ATƏT-in Minsk Qrupu həmsədrlərinin mətbuat üçün bəyanatı

Bakı/13.07.20/Turan: ATƏT-in Minsk Qrupunun həmsədrləri (İqor Popov - Rusiya Federasiyası, Stefan Viskonti - Fransa və Endryu Şefer - Amerika Birləşmiş Ştatları) bu gün aşağıdakı bəyanatı dərc ediblər:

"Ermənistan və Azərbaycan müdafiə nazirliklərinin, habelə digər mənbələrin məlumatına görə, iyulun 12-13-də Ermənistan-Azərbaycan sərhədində atəşkəs rejimi ciddi şəkildə pozulub, bu da ölümlərə səbəb olub. Hər iki tərəfin müxtəlif çaplı artilleriyalardan istifadə etdiyi bildirilir.

Həmsədrlər və ATƏT-in fəaliyyətdə olan sədrinin şəxsi nümayəndəsi Andjey Kasprşik insanların həlak olmasına təəssüf edir və həlak olanların ailələrinə başsağlığı verir. Həmsədrlər insidentin baş erdiyi ilk andan Ermənistan və Azərbaycanın rəsmi şəxsləri ilə birbaşa əlaqə saxlayırlar.

Tərəflər döyüş əməliyyatlarının başlamasında bir-birini ittiham ediblər. ATƏT-in Minsk Qrupunun həmsədrləri bu yaxınlarda atəşkəs rejiminini pozulmasını pisləyir və tərəfləri istənilən gələcək gərginliyin qarşısını almaq üçün bütün zəruri tədbirləri görməyə, o cümlədən onlar arasında mövcud olan birbaşa rabitə kanallarından istifadə etməyə çağırır.

Minsk Qrupunun həmsdərləri həmçinin tərəfləri əyani danışıqları mümkün qədər tez bərpa etməyə çağırırlar və ATƏT müşahidəçilərinin ilk fürsətdə regiona qayıtmasının zərurətini vurğulayırlar". -0-