Avropa İttifaqı Azərbaycan hökumətini müxalifətçi İlqar Məmmədovu azad etməyə və Avropa Şurasının üzvü kimi öz öhdəliklərini yerinə yetirməyə çağırır.
Aİ-nin 21 noyabr tarixli bəyanatında deyilir ki, Azərbaycan Avropa İnsan Hüquqları Konvensiyası çərçivəsində öz öhdəliklərinə əməl etməyə və Avropa İnsan Hüquqları Məhkəməsinin qərarını yerinə yetirməyə “borcludur”.
“Azərbaycan Ali Məhkəməsinin İlqar Məmmədovun apellyasiya şikayətini təmin etməkdən imtina eməsi Avropa İnsan Hüquqları Məhkəməsinin 2014-cü il qərarına ziddir”, - bəyanatda vurğulanır.
Bu, Aİ-nin REAL Hərəkatının lideri, uydurma ittihamla həbs olunan İlqar Məmmədovun işi üzrə birinci bəyanatı deyil.
Ötən gün AŞ baş katibi Tornbörn Yaqland da hakimiyyətin İ.Məmmədovu azad etməməsini pisləyib.-02d-
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz