![Avropa İttifaqı Rusiyaya qarşı altıncı sanksiyalar paketini elan edib](https://turan.az/resized/media/2022/main/050400044474-750-500-resize.webp)
Avropa İttifaqı Rusiyaya qarşı altıncı sanksiyalar paketini elan edib
Bakı/04.05.22/Turan: Avropa Komissiyasının sədri Ursula fon der Lyayen Ukraynaya əsassız hücuma görə Rusiyaya qarşı altıncı sanksiyalar paketini elan edib. Buraya həmçinin mərhələli neft embarqosu təklifi də daxildir. O, bu barədə Twitter-də yazıb, UNİAN bildirib.
Əsasən Rusiya ordusunun Buçada törətdiyi vəhşiliklərə görə məsuliyyət daşıyanlar Avropa İttifaqının məhdudiyyətləri altına düşüb.
"Bu gün biz altıncı sanksiyalar paketini təqdim edirik. Birincisi, biz Buçada hərbi cinayətlər törətmiş yüksək rütbəli hərbçiləri və digər şəxsləri daxil erdik. Sizin kim olduğunuzu bilirik. Və siz məsuliyyətə cəlb olunacaqsınız", - Avropa Komissiyasının prezidenti bildirib.
Bundan əlavə, Rusiyanın bir sıra maliyyə qurumları, eləcə də Rusiyanın təbliğatçıları sanksiyalara məruz qalıblar.
"İkincisi, biz Rusiyanın ən böyük bankı olan “Sberbank”a və iki digər böyük banka məhdudiyyət tətbiq edirik. Üçüncüsü, Putinin yalanlarını və təbliğatını aqressiv şəkildə yayan üç böyük dövlət yayımçısının bizim efirə çıxışını qadağan edirik. Nəhayət, Rusiya neftini qadağan etməyi təklif edirik. Birbaşa deyək: bu, asan olmayacaq. Amma biz bunun üzərində işləməliyik”, - fon der Lyayen deyib.
O qeyd edib ki, Avropa İttifaqı Ukraynanın Rusiyaya qalib gəlməsini istəyir.
"Məhz buna görə də mən ukraynalı dostlarımız üçün miqyaslı bərpa paketi üzərində işə başlamağı təklif edirəm. Bu paket ehtiyacların ödənilməsi və lazımi islahatların həyata keçirilməsi üçün böyük investisiyalar gətirməlidir", - fon der Lyayen əlavə edib.
Avropa İttifaqının Rusiyaya qarşı beşinci sanksiyalar paketi aprelin 8-də qüvvəyə minib. Buraya 2022-ci ilin avqustundan Rusiya kömürünün alışına və Rusiya gəmilərinin Avropa İttifaqının limanlarına daxil olmasına qadağa daxildir.
Həmçinin Belarus və Rusiya Federasiyasına nəqliyyat daşımaları qadağan edilib, lakin müəyyən mallara istisnalar var.--0--
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz