![Açiq mənbələrdən foto.](https://turan.az/resized/media/2023/main/020900058009-750-500-resize.webp)
Açiq mənbələrdən foto.
Avropa İttifaqının missiyası Bəxtiyar Hacıyevi azad etməyə çağırıb
Bakı/09.02.23/Turan: Avropa İttifaqının Bakıdakı nümayəndəliyi həbsdə olan fəal Bəxtiyar Hacıyevin səhhətinin kəskin şəkildə pisləşməsindən çox narahatdır. Bu barədə Aİ missiyasının Facebook səhifəsində deyilir.
"Biz hakimiyyəti onu ən qısa zamanda azad etməyə və vətəndaş cəmiyyətinin təhlükəsizlik mühitində fəaliyyəti üçün əlverişli şərait yaradılması istiqamətində işləməyə çağırırıq", deyə məlumatda qeyd edilir.
* Bəxtiyar Hacıyev dekabrın 9-da xuliqanlıq və məhkəməyə qarşı hörmətsizlik ittihamı ilə saxlanılıb. Elə həmin gün Xətai Rayon Məhkəməsi onu 1 ay 20 gün müddətinə həbs edib.
Dekabrın 15-də Hacıyev azad edilməsi tələbi ilə aclıq elan edib. İctimaiyyət nümayəndələrinin və ailə üzvlərinin israrlı çağırışlarından sonra dekabrın 28-də o, aclığı dayandırıb. Amma yanvarın 9-da Apellyasiya Məhkəməsi onu azad etməkdən imtina etdikdən sonra aclığı bərpa edib və bu günə qədər davam etdirir.
Yanvarın 21-də məhkəmə Hacıyevin həbs müddətini 1 ay uzadıb. 16B06
Siyasət
-
İyulun 24-ü axşam saatlarında Səbail Rayon Məhkəməsi talış tədqiqatçısı İqbal Əbilov barəsində 4 ay müddətinə həbs qətimkan tədbiri seçilib.
-
İyulun 24-də Azərbaycanın xarici işlər naziri Ceyhun Bayramov İsrail Xarici İşlər Nazirliyinin baş direktoru Yakov Blitşteyni qəbul edib.
-
Elton Məmmədovun deputatlığa namizədliyi saxtakarlığa görə ləğv edilib. Bu məsələ Mərkəzi Seçki Komissiyasının bugünkü iclasında müzakirə edilib. Bu barədə Mərkəzi Seçki Komissiyasının üzvü Qabil Orucov bildirib.
-
Keçmiş diplomat Emin Şaiq İbrahimova qarşı Cinayət Məcəlləsinin 126.2.4 (xuliqanlıq niyyəti ilə sağlamlığa qəsdən ağız zərər vurmaq) və 221.-ci (xuliqanlıq) maddələrilə ittiham elan edilib. Bu barədə vəkil Aqil Layıc Facebook səhifəsində yazıb.
Rəy yaz