Avropa Komissiyası Azərbaycanın işğal edilmiş ərazilərində ticari fəaliyyətin yolverilməz olduğu barədə xəbərdarlıq edib
Bakı/25.11.17/Turan: Avropa Komissiyasının ticarət üzrə Baş Direktorluğu Avropa İttifaqı şirkətlərinin Azərbaycanın işğal edilmiş ərazilərində ticari fəaliyyətinin yolverilməz olduğu barədə xəbərdarlıq yayıb.
Azərbaycan XİN-in rəsmi nümayəndəsi Hikmət Hacıyevin Turan-a verdiyiməlumata görə, xəbərdarlıq mətni Avropa Komissiyasının saytında yerləşdirilib, orada bu cür fəaliyyətə görə cinayət məsuliyyətinə cəlb edilmə mümkünlüyü qeyd edilir.
Azərbaycan XİN Avropa Komissiyasının bu addımlarını müsbət qiymətləndirir və Aİ üzvü olan bütün ölkələrin bu qərara riayət etməli olduğuna inandığını bildirir.
Qeyd edək ki, artıq uzun illərdir müxtəlif xarici şirkətlər Dağlıq Qarabağda və ona bitişik Azərbaycanın işğal edilmiş 7 rayonunda ticari fəaliyyət həyata keçirir. Bu, Bakının etirazlarına səbəb olurdu və bir sıra firma və şirkətlər sözügedən ərazilərdən uzaqlaşdırılıb. Amma birinci dəfədir ki, Avropa Komissiyası belə bir xəbərdarlıq edir, bu, şübhəsiz ki, Bakının diplomatik uğurudur. -02D-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz