Açiq mənbələrdən foto.
Bakı/29.09.22/Turan: Sentyabrın 29-da Avropa İnsan Hüquqları Məhkəməsi Azərbaycandan göndərilmiş 26 şikayət üzrə 5 yeni qərarını elan edib. Məhkəmə 2 şikayəti qəbuledilməz sayıb. Digər işlərdə tərəflər dostca anlaşıblar. Bu barədə aihmaz.org saytı bildirib.
"Sarıyev və 14 başqa ərizəçi Azərbaycana qarşı" işində ərizəçilər toplaşmaq hüquqlarının (maddə 11) pozuntusundan şikayət ediblər. Kommunikaya mərhələsində tərəflər dostca anlaşma bağladıqlarına görə Avropa İnsan Hüquqları Məhkəməsi ərizələri baxılacaq işlərin siyahısından çıxarmağa qərar verib.
Anlaşmaya görə, hökumət 15 ərizəçiyə mənəvi zərər əvəzi ümumilikdə 39 000 avro, xərc və məsrəflərə görə isə ümumilikdə 6000 avro ödəyəcək. Ərizəçilər Nurlan Sarıyev, Kazım İmanov, Məcnun Pirəliyev, Araz Səmədov və Şəfəq Səmədova, İlham Hüseynov, Yalçın Abdullayev, Emil Səlimov, Saqif Qurbanov, Emil Maniyev, Bəhruz Həsənov, Aqil Məhərrəmov, Ruslan Nəsirov, Yalçın Abdullayev, Məhərrəm Rzayev, Füzuli Hüseynovdur.
"Şahhüseynov və 7 başqa ərizəçi Azərbaycana qarşı" işi də toplaşmaq hüququnun pozuntusu iddiaları ilə bağlı idi. Bu işdə də tərəflər kommunikasiya mərhələsində anlaşıblar.
Anlaşmaya görə, hökumət 8 ərizəçiyə mənəvi zərər əvəzi ümumilikdə 20 800 avro, xərc və məsrəflərə görə isə ümumilikdə 1000 avro ödəyəcək. Ərizəçilər Füzuli Şahhüseynov, İmaməddin Məhərrəmli, Məhəmməd Həbibov, Salman Sultanov, Azər Şamxalov, Ayaz Məhərrəmov, Xalqı Hüseynov və Vəlixan Hüseynov, Babək Həsənovdur.
Xatırladaq ki, yuxarıdakı iki iş üzrə hökumətlə dostcasına anlaşanların əksəriyyəti müxalifət fəallarıdır. Onların şikaəyətləri 2017 və 2019-cu illərdə göndərilib.
"Elçin Rəşidov Azərbaycana qarşı" işi daxili məhkəmə qərarlarının icra edilməməsilə bağlı oluub.
Kommunikasiya mərhələsində tərəflər dostca anlaşdıqlarına görə, Avropa İnsan Hüquqları Məhkəməsi baxılacaq işlər siyahısından çıxarılmasına qərar verib. Anlaşmaya əsasən, hökumət ərizəçiyə 3250 avro ödəyəcək.
Digər iki iş üzrə şikayət qəbuledilməz elan edilib.-03-
Siyasət
-
Avropa İttifaqı (Aİ), noyabrın 18-də Aİ-nin Energetika Baş Direktorluğunun bəyanatına əsasən, bərpa olunan enerji inkişafına qlobal investisiyaları artırmağa yönəlmiş COP29-un yaşıl enerji şəbəkələri və saxlama üzrə Qlobal Öhdəliyini dəstəkləyəcək.
-
Avropa Şurasının milli azlıqların qorunması haqqında Çərçivə Komissiyası üzrə Məşvərət Komitəsi Azərbaycanla bağlı növbəti - beşinci hesabatını dərc edib. Avropa Şurasının məlumatında eyd edilir ki, Azərbaycan çoxmillətli ölkə olaraq etnik mədəniyyəti, dil və dini dözümlülüyü və hörməti təbliğ etməyə çalışır.
-
İqlim məsələləri üzrə Avropa Komissarı Vopke Hukstra Noyabrın 18-də COP29 çərçivəsində Bakıda mətbuat konfransı keçirib. Turan Agentliyi ona belə bir sual verib: Aİ yaşıl enerjinin Azərbacandan Avropaya nəqli layihələrinin həyata keçirilməsinə necə kömək edə bilər?
-
Noyabrın 18-də COP29-da "yaşıl zonada" təkadamlı etiraz aksiyası keçirilib. Aksiyanı COP29-da texniki işçi olan İsmayıl Cəfərsoy keçirib. O bildirib ki, 500-dən çox işçinin hüquqları pozulur, əmək haqları ödənilmir. Onun sözlərinə görə, noyabr ayı üçün qəbul edilmiş işçilərə gündə 20 manat ödəniş vəd edilmişdi.
Rəy yaz