![Avropa Məhkəməsi Yunusların işgəncə faktını tanıyıb](https://turan.az/resized/media/2016/main/060200157980-750-500-resize.webp)
Avropa Məhkəməsi Yunusların işgəncə faktını tanıyıb
Avropa Məhkəməsi hüquq müdafiəçiləri Leyla və Arif Yunusların işi üzrə qərarını elan edib.
Məhkəmənin qərarı ilə hüquq müdafəçilərinin Konvensiyanın 3-cü (işgəncələrin qadağan olunması) maddəsilə hüquqlarının pozulduğunu tanıyıb.
Məhkəmə hər birinə 13000 avro kompensasiya, 4000 avro digər xərclerin tutulması barədə qərar qəbul edib. Bu səbəblərə görə məhkəmə yekdilliklə, 3-cü maddəni onunla izah edir ki, hər iki hüquq müdafiəçiləri həbs qətimkan tədbiri zamanı onlara lazımi tibbi yardım göstərilməyib.
Həmçinin qərarda cavabdeh dövlətin Konvensiyanın 34-cü maddəsinə əsasən öz öhdəliklərinə əməl etmədiyi qeyd edilib (fərdi şikayətlər).
Vəkil Cavad Cavadov məhkəmənin qərarını şərh edərək deyib ki, Konvensiyanın 34-cü maddəsi hüquq müdafiəçilərinin həbsdə olduğu müddətdə vəkilləri Xalid Bağırovun vəkillikdən uzaqlaşdırılması və onun yanına buraxılmaması olub.
Hal-hazırda hüquq müdafiəçilərinin daha bir işi Konvensiyanın 5-ci (azadlıq və toxunulmazlıq) və 18-ci (hüquqlarla bağlı məhdudiyyətlərdən istifadənin hədləri) maddələri üzrə Avropa Məhkəməsində olduğunu xatırladıb.
Leyla və Arif Yunuslar Cinayət Məcəlləsinin 178.3.2-ci və digər maddələrinə əsasən ittiham olunublar. Bakı Ağır Cinayətlər Məhkəməsinin 13 avqust 2015-ci tarixli hökmü ilə Leyla Yunus 8 il 6 ay, Arif Yunus isə 7 il müddətinə azadlıqdan məhrum edilib. Hökmdə həmçinin onların əmlaklarının müsadirə olunması, bank hesablarındakı vəsaitin alınaraq dövlətin hesabına köçürülməsi öz əksini tapıb. Hökmdən narazı qalan təqsirləndirilən şəxslər apellyasiya şikayəti veriblər.
Bakı Apellyasiya Məhkəməsinin 2015-ci il noyabrın 12-də keçirilən prosesində isə Arif Yunusun barəsində seçilmiş həbs-qətimkan tədbiri dəyişdirilib, ondan başqa yerə getməməklə bağlı iltizam alıb. Bundan sonra A. Yunus məhkəmə zalından azadlığa buraxılıb.
2015-ci il dekabrın 9-da isə apellyasiya şikayəti üzrə qərar elan edilib. Qərara əsasən Leyla Yunus barəsində təyin olunan 8 il 6 ay, Arif Yunus barəsində isə təyin olunan 7 il müddətində azadlıqdan məhrum etmə cəzası 5 il sınaq müddəti təyin olunmaqla şərti hesab edilib.
Leyla Yunus məhkəmə zalından azadlığa buraxılıb. Bir müddət sonra onların hər ikisi müalicə olunmaq üçün Hollandiyaya gediblər.
Leyla Yunus Hepatit C xəstəliyindən, Arif Yunus isə yüksək təzyiqdən əziyyət çəkir.
Kassasiya şikayətlərində onların barələrində olan cinayət işinə xitam verilməsi və bəraət hökmünün çıxarılması istənilib. -16D-
-
- İqtisadiyyat
- 2 İyun 2016 14:13
-
- Cəmiyyət
- 2 İyun 2016 14:49
Siyasət
-
Müsavat Partiyasının Seçki qərargahına seçki gününün ilk saatlarından qanun pozuntuları barədə məlumatlar da daxil olur.
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
Rəy yaz