Açiq mənbələrdən foto.
Bakı/17.09.21/Turan: Avropa Şurası Nazirlər Komitəsi sentyabrın 16-da Strasburq Məhkəməsinin “Respublikaçı Alternativ” partiyasının siyasi şurasının üzvü Natiq Cəfərlinin işi üzrə qərarın icrasına nəzarətin dayandırılmasına qərar verib.
AİHM-nin siyasətçinin 2016-cı ilin avqustunda həbsi ilə bağlı qərarı 2019-cu il noyabrın 7-də qəbul edilib.
Strasburq Məhkəməsi Cəfərlinin iqtisadi xarakterli cinayətlər törətmək ittihamı ilə heç bir əsas olmadan həbs edildiyi barədə qənaətə gəlib.
Hökumətin təzminatı ödəməsini və 2017-ci ildə xitam verilmiş cinayət işinin Cəfərli üçün başqa bir mənfi nəticəsinin olmamasını nəzərə alaraq, Nazirlər Komitəsi məsələnin bağlandığını hesab edib.
Nazirlər Komitəsinin qərarını Turan agentliyinə şərh edən hüquq sahəsində ekspert Xalid Ağaliyev qeyd edib ki, AŞ Nazirlər Komitəsinin nəzarəti altında olan, şərti olaraq “Anar Məmmədlinin qrupu”na aid edilmiş 7 işdən yalnız Cəfərli barəsində iş bağlanmış hesab olunub. Onun barəsində hökumət bütün fərdi tədbirləri icra edib.
Bununla belə, ümumi tədbirlər hələ icra edilməyib. Söhbət hökumətin tənqidçilərinə, vətəndaş cəmiyyəti fəallarına və hüquq müdafiəçilərinə qarşı cinayət qanunvericiliyindən istifadə təcrübəsinin aradan qaldırılmasından gedir.
Nazirlər Komitəsi “Anar Məmmədlinin qrupu” çərçivəsində AİHM-nin qərarlarının tam icrası üzrə ümumi tədbirlərə nəzarəti davam etdirəcək. Bu qrupa hüquq müdafiəçiləri Anar Məmmədli, İntiqam Əliyev, jurnalist Xədicə İsmayılova və digər fəallar daxildir.
Həbsdən azad edilmələrinə baxmayaraq, bu şəxslərə qarşı bəzi məhdudiyyətlər qalmaqdadır. -06D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz