Stefan Shennak
Avropa Şurası Parlament Assambleyasının Azərbaycan üzrə keçmiş həmməruzəçisi Zamin Salayevi aclığı dayandırmağa çağırıb
Bakı/01.05.23/Turan: Avropa Şurası Parlament Assambleyasının Azərbaycan üzrə keçmiş həmməruzəçisi Stefan Şennak Azərbaycan Xalq Cəbhəsi Partiyasının fəalı, 84 gündür 1 saylı Bakı İstintaq Təcridxanasında aclıq edən Zamin Salayevi aksiyanı dayandırmağa çağırıb.
“Aclıq sağlamlıq və həyat üçün risklidir. Onun beynəlxalq həmrəyliyə ehtiyacı var və biz öz nümayəndələrimizdən xahiş edirik ki, həbsxanada ona baş çəksinlər. Hesab edirəm ki, Bakı rejimi aclığa görə onu buraxmayacaq. Mən bu rejimi uzun illərdir tanıyıram. O, öz həyatını riskə atır və bu, pisdir”,- Ştefan Şennak “Azadlıq” qəzetinə deyib.
Xatırladaq ki, Zamin Salayev bu il fevralın 7-də saxlanılıb, ertəsi gün Bakının Qaradağ Rayon Məhkəməsi onu üç ay müddətinə həbs edib. Onun barəsində Cinayət Məcəlləsinin 221.3-cü maddəsilə (silah tətbiqilə xuliqanlıq) cinayət işi açılıb. Onu 5 ilədək həbs təhlükəsi gözləyir.
Zamin Salayev öz həbsini sifariş hesab edir və məhkəmənin qərarına etiraz olaraq aclıq edir.-03B
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz