Avropa Şurası Parlament Assambleyasının  məruzəçisi Qarabağ münaqişəsinin humanitar nəticələrini öyrənmək üçün Azərbaycana gələcək

Bakı/24.07.21/Turan:  Avropa Şurası Parlament Assambleyasının  Miqrasiya, qaçqınlar və əhali üzrə komitəsinin məruzəçisi Pol Qavan (İrlandiya) iyulun 26-dan 28-dək Azərbaycanda səfərdə olacaq. Məqsəd "Ermənistanla Azərbaycan arasında münaqişənin humanitar nəticələri" mövzusunda məruzəsi üçün məlumat toplamaqdır. Bu barədə Avropa Şurasının saytında dərc olunmuş məlumatda deyilir.

Havan Milli Məclisin deputatları, o cümlədən spiker (həmçinin münaqişənin humanitar nəticələrilə məşğul olan müxtəlif nazirliklərin nümayəndələrilə) görüşlər keçirəcək. O həmçinin məcburi köçkünlərin fikirlərini dinləmək imkanı əldə edəcək və Azərbaycanın insan hüquqları üzrə müvəkkili və vətəndaş cəmiyyətinin nümayəndələrilə görüşəcək.

Səfər ona bu məsələ ilə bağlı Azərbaycanda fəaliyyət göstərən beynəlxalq təşkilatların, o cümlədən Beynəlxalq Qırmızı Xaç Komitəsi və Birləşmiş Millətlər Təşkilatının Qaçqınlar üzrə Ali Komissarlığının rolunu və töhfəsini daha yaxşı anlamağa imkan verəcək. Qeyd olunan hesabatın hazırlanması çərçivəsində Qavan may ayında Ermənistana səfər edib.

Qavan yayda öz işini davam etdirməyi və sentyabrda hesabatı başa çatdırmağı planlaşdırır.—06D-