Avropa Şurası və Avropa İttifaqı Azərbaycanda yeni layihəyə başlayır
Avropa Şurası və Avropa İttifaqı Azərbaycanda “Vətəndaş cəmiyyəti dialoqu” adlı yeni birgə layihəyə başlayır.
Layihənin təqdimatı iyunun 2-də saat 14:30-da Hilton otelində olacaq. Bu barədə Turan-a AŞ-nin Bakıdakı ofisindən bildirilib.
Tədbirdə AŞ Baş Direktorluğu demokratik idarəetmə üzrə direktoru Klaudia Luçiani, dövlət başçısının köməkçisi Əli Həsənov, ədliyyə nazirinin köməkçisi Toğrul Musayev, AŞ Bakı ofisinin rəhbəri Draqana Filipoviç, Aİ-nin Azərbaycandakı nümayəndəliyinin rəhbəri Malena Mard və başqaları çıxış edəcəklər.
AŞ layihə rəhbəri Eteri Kamarauli layihəni təqdim edəcək, sonra müzakirələr olacaq.
Son vaxtlar Bakının AŞ və Aİ strukturları ilə əməkdaşlığa diqqətinin artması müşahidə edilir. Əgər son iki il ərzində AŞ və Aİ layihələri üzrə tədbirlərdə sıravı məmurlar iştirak edirdisə indi hakimiyyətin təmsilçiliyinin səviyyəsi xeyli artıb.
Belə ki, ötən gün AŞ və Aİ layihəsi çərçivəsində diffamasiya üzrə konfransda prezidentin köməkçisi Əli Həsənov və parlament komitəsinin sədri Əli Hüseynli iştirak ediblər.–06D--
-
- Siyasət
- 1 İyun 2016 17:39
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz