Olivér Várhelyi
Avropalı komissar Cənubi Qafqaza turneyə çıxır
Bakı/02.07.21/Turan: Avropa İttifaqının qonşuluq və genişlənmə məsələləri üzrə komissarı Oliver Varxeyli iyulun 6-dan 9-dək Cənubi Qafqaz ölkələrində səfərdə olacaq. Bu, komissarın region ölkələrinə ilk missiyası olacaq.
Avropa Komissiyasının məlumatında deyilir ki, bu səfər "Şərq Tərəfdaşlığı" ölkələri üçün iqtisadi və investisiya planının qəbulundan sonra baş tutacaq.
Siyasi rəhbərlik, biznes və vətəndaş cəmiyyətinin nümayəndələrilə görüşlər zamanı avropalı komissar region üçün iqtisadi və investisiya planını və hər bir ölkə üçün təşəbbüslərini təqdim edəcək.
O həmçinin üç ölkənin hər biri ilə ikitərəfli münasibətlərin əsas məsələlərini müzakirə edəcək.
Gürcüstanda komissar Varxeyli baş nazir İrakli Qaribaşvili, xarici işlər naziri David Zakaliani, parlamentin sədri Kaxaber Kuçava və siyasi partiyaların nümayəndələri, həmçinin Patriarx II İliya ilə görüşəcək.
Azərbaycanda o, xarici işlər naziri Ceyhun Bayramov, Prezident Administrasiyasının rəhbəri Samir Nuriyev, iqtisadiyyat naziri Mikayıl Cabbarov və energetika naziri Pərviz Şahbazov ilə görüşəcək.
Ermənistanda komissar Varxeyli prezident Armen Sarkisyan, baş nazirin səlahiyyətlərini icra edən Nikol Paşinyan, baş nazirin müavini Qriqoryan və patriarx II Qaregin ilə görüşəcək. –06D-
-
- Cəmiyyət
- 2 İyul 2021 15:30
-
- Söz istəyirəm
- 2 İyul 2021 15:36
Siyasət
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
-
“Anatolian Phoenix - 2024” beynəlxalq axtarış-xilasetmə təlimlərində iştirak edəcək Azərbaycan ordusunun hərbi qulluqçuları və aviasiya vasitələri Türkiyənin Konya şəhərinə gediblər.
-
Cümə günü ABŞ prezidenti Co Bayden Ümumdünya Mətbuat Azadlığı Günü ilə bağlı bəyanatla çıxış edərək, öz işini yerinə yetirdiyinə görə həbs olunan bütün jurnalistlərin "dərhal və qeyd-şərtsiz" azad edilməsinə çağırıb, Turan-ın Vaşinqton müxbiri bildirib.
Rəy yaz