Bakı/25.05.20/Turan: Bu gün, mayın 25-də Sabirabad rayon Məhkəməsi (Bakıdan 170 kilometr cənub-qərb), Azərbaycan Xalq Cəbhəsi Partiyasının sədri Əli Kərimlinin köməkçisi, "Azadlıq" qəzetinin maliyyə direktoru Faiq Əmirlini İnziabti Xətalar Məcəlləsinin 510-cu (ictimai qaydanı pozma) maddəsi ilə təqsirli bilərək 15 sutka inzibati həbsə məhkum edib.
Bu barədə Turana Faiq Əmirlinin ailəsindən bildirblər.
“Biz ailəlikcə Faiqin valideynlərini ziyarət etmək üçün onun anadan olduğu Sabirabad rayonunun Rüstəmli kəndinə gəlmişik. Bu gün saat 15-də bir polis əməkdaşı və bir mülki geyimli şəxs gəldi ki, rayonun polis rəisi Faiqlə söhbət etmək istəyir. Faiq onlarla getdi, saat19-da Faiq zəng etdi ki, məhkəmə ona 15 sutka inzibati həbs kləsib,” Əmirlinin həyat yoldaşı Amerikanın Səsinə deyib.
Bu, Faiq Əmirlinin karantin dövründə ikinci inzibati həbsidir. O aprelin 9-da Bakının Səbail rayon Məhkəməsinin qərarı əsasında hakim Ülviyyə Şükürovanın sədriliyi ilə İnzibati Xətalar Məcəlləsinin 211-ci maddəsinin (karantin rejimini pozma) pozulmasında günahlandırılaraq 30 sutka inzibati həbsə məhkum edilib.
Azərbaycan Xalq Cəbhəsi Partiyası bildirib ki, Faiq Əmirlinin həbsi onun siyasi fəaliyyəti ilə bağlıdır.
AXCP-nin məlumatına görə, karantin dövründə bu partiyanın 30-dək fəalı inzibati qaydada, 3 fəalı isə cinayət təqibi ilə həbs edilib.
Rəsmi qurumlar AXCP fəalının saxlanılması barədə hələ məlumat yaymayıb.
Bununla yanaşı, Daxili İşlər Nazirliyi karantin qaydalarının tətbiqində ayrıseçkiliyə yol verilmədiyini bildirib.
Faiq Əmirli bundan öncə 2016-cı ildə də həbs olunub.
"Azadlıq" qəzetinin maliyyə direktoru olmuş Faiq Əmirli 2016-cı il avqustun 20-də saxlanılıb. O, əvvəlcə Cinayət Məcəlləsinin 168.1-ci (dini ayinlərin icrası adı altında vətəndaşların hüquqlarına qəsd etmə) və 283.2.2-ci (KİV-dən istifadə etməklə milli, irqi, sosial, dini nifrət və düşmənçiliyin salınması) maddələri ilə ittiham olunub. İlk anlarda Əmirli Türkiyədə fəaliyyət göstərən “Hizmet” Hərəkatının imamı kimi təqdim olunub.
Sonradan, 2017-ci il aprelin 17-də ona yeni ittihamlar irəli sürülüb - Cinayət Məcəlləsinin 213.1-ci maddəsi (vergidən yayınma) və 308-ci maddəsi (vəzifə səlahiyyətindən sui-istifadə).
Əmirli ittihamı “gülünc və sifariş” adlandırıb.
2017-ci il sentrabrın 15-də Apellyasiya Məhkəməsi onun barəsində 2 il 6 ay şərti cəza təyin edərək məhkəmə zalından azadlığa buraxıb.-0-
Siyasət
-
Flightradar24- təyyarələrin uçuşları haqqında real vaxt rejimində məlumat verən İsveç İnternet- xidməti bu gün Aktauda AZAL-ın təyyarəsinin qəzaya uğraması barədə məlumat dərc edib.
-
Çərşənbə günü Sankt-Peterburqda MDB liderlərinin ilcasında Rusiya prezidenti Vladimir Putin Aktauda təyyarə qəzasında adamların həlak olması əlaqədar başsağlığı verib.
-
Bakı-Qroznı reysilə uçan Embraer 190 sərnişin təyyarəsinin qəzaya uğraması ilə əlaqədar dekabrın 26-da Azərbaycanda matəm elan edilib.
-
Azərbaycan Prezidenti İlham Əliyev bazar ertəsi Sankt-Peterburqda keçirilən MDB-nin qeyri-rəsmi sammitinə gedərkən Qazaxıstanın Aktau şəhəri yaxınlığında Azərbaycan təyyarəsinin qəzaya uğraması barədə məlumat aldıqdan sonra gözlənilmədən Bakıya qayıtdı.
Rəy yaz