Bakı/18.01.22/Turan: Ölkə vətəndaşları azad edilmiş rayonlara ildə bir dəfə gedə biləcəklər. Bu barədə Dövlət Avtomobil Nəqliyyatı Xidmətinin rəhbəri Anar Rzayev çərşənbə axşamı brifinqdə bildirib.
Səfərlər sərnişin avtobusları ilə həyata keçirilə bilər. Bundan ötrü sərnişinlər bədbəxt hadisələrdən sığortalanacaqlar. Müharibə qəhrəmanları, şəhid ailələrinin üzvləri və Qarabağ müharibəsi əlilləri pulsuz gedə biləcəklər. Digərləri üçün biletin qiyməti 10 manat 40 qəpik, Ağdama 9 manat 40 qəpik, Füzuli aeroportundan Şuşaya 6 manat olacaq.
Reyslər yanvarın 24-də açılacaq. Avtobuslar Bakıdan səhər saat 6:30-da, Əhmədbəyli və Bərdədən isə saat 10:00-da yola düşəcəklər. Biletləri yolumuzqarabaga.az saytından onlayn əldə etmək olar.
Avtobuslar azad edilmiş ərazilərlə polisin müşayiətilə hərəkət edəcəklər. Həmçinin hər avtobusda polis əməkdaşı olacaq.
Əhmədbəyli-Şuşa marşrutu üzrə reyslər həftədə dörd dəfə, digər istiqamətlər üzrə həftədə iki dəfə həyata keçiriləcək. -02D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz