Azərbaycan 2023-cü ildə minalardan təmizləmə səylərində əhəmiyyətli irəliləyiş əldə edib

Azərbaycan 2023-cü ildə Qarabağ və Şərqi Zəngəzur rayonlarında 53 081,8 hektar ərazini minalardan və partlamamış mərmilərdən təmizləyib. Diqqətlə aparılan  minalardan təmizləmə səyləri 3495 piyada əleyhinə mina, 5034 tank əleyhinə mina və 23.049 partlamamış mərminin aşkarlanması və zərərsizləşdirilməsi ilə nəticələnib.

Son üç ildə Azərbaycanın azad edilmiş ərazilərində ümumilikdə 109 552 mina və digər partlamamış hərbi sursat aşkar edilib. Xüsusi minalardan təmizləmə qrupları 30.753 piyada əleyhinə mina, 18.531 tank əleyhinə mina və 60.268 partlamamış sursatı 111.207 hektar geniş ərazidə uğurla zərərsizləşdirib.

İşğal illərini yaşamış Azərbaycan dünyada minalarla ən çox çirklənmiş ölkələr sırasındadır. İlkin qiymətləndirmələr göstərir ki, işğaldan azad edilmiş Azərbaycan ərazilərinin 9000 kvadrat kilometrinə yaxın hissəsi minalanıb ki, bu da erməni işğalı zamanı 1,5 milyona yaxın partlayıcı qurğunun quraşdırıldığını göstərir.

10 noyabr 2020-ci ildən 26 dekabr 2023-cü ilədək Azərbaycanın erməni işğalından azad edilmiş ərazilərində 322 nəfər minaya düşüb. Onlardan 66 nəfəri həlak olub.  

Minalardan təmizləmə səyləri Azərbaycanın öz vətəndaşlarının mühafizəsini təmin etmək və köçkün əhalinin öz evlərinə qayıtması üçün şərait yaratmaq öhdəliyini əks etdirir. Hərtərəfli minalardan təmizləmə təşəbbüsləri qalan partlayıcılarla əlaqəli risklərin azaldılmasında, sabitliyin möhkəmləndirilməsində və azad edilmiş bölgələrin davamlı inkişafı üçün yol açılmasında əsas rol oynayıb.--0--