Azərbaycan Avrasiya məkanında əməkdaşlıq üzrə Çinin əsas tərəfdaşlarından biridir - Si Cinpin

Bakı/24.04.19/Turan: Azərbaycan Avrasiya məkanında əməkdaşlıq üzrə Çinin əsas tərəfdaşlarından biridir. Çin Xalq Respublikasının Sədri Si Cinpin Pekində Azərbaycan Respublikasının Prezidenti İlham Əliyevlə görüşündə belə deyib.

Azərbaycan "Bir kəmər, bir yol" layihəsinin reallaşdırılmasına ilk olaraq münasibət bildirənlərdən və bu işdə fəal iştirak edənlərdən biridir. Ölkəniz Böyük İpək Yolu üzərində yerləşir və bu yolun bərpasında təbii tərəfdaşdır. Bizim əməkdaşlığımızın artıq bir sıra nəticələri var və bu əməkdaşlıq xalqlarımıza real fayda verir. Sizinlə birlikdə ortaq səylərimizlə "Bir kəmər, bir yol" layihəsinin reallaşdırılmasını davam etdirməyə, birgə inkişaf və firavanlıq naminə bütün sahələrdə qarşılıqlı faydalı əməkdaşlığı daim dərinləşdirməyə hazıram", - deyə ÇXR lideri qeyd edib.

Əliyev Si Cinpinin Çin-Azərbaycan əlaqələrinin inkişafına və bütün sahələrdə əməkdaşlığa verdiyi töhfəni yüksək qiymətləndirib. "Mən bunu yüksək qiymətləndirirəm və ikitərəfli münasibətləri birlikdə sağlam məcrada inkişaf etdirməyə hazıram. Çin Kommunist Partiyası da Yeni Azərbaycan Partiyası ilə əlaqələri fəallaşdırmağa, dövlət idarəçiliyi təcrübəsini mübadilə etməyə, iki ölkə arasında qarşılıqlı etimadı möhkəmlətməyə hazırdır" - deyə Si bildirib. -0-