![Azərbaycan Ermənistan ərazisini işğal etməyi planlaşdırmır: İlham Əliyev Ermənistanla sülh, ermənilərin Qarabağa qayıtması haqqında](https://turan.az/resized/news/2023/8y7Pa4FQnNKqWOAutxDIG2ETJfMPTkmaNcKCD5ao-750-500-resize.webp)
Azərbaycan Ermənistan ərazisini işğal etməyi planlaşdırmır: İlham Əliyev Ermənistanla sülh, ermənilərin Qarabağa qayıtması haqqında
Azərbaycan Ermənistan ərazisini işğal etməyi planlaşdırmır: İlham Əliyev Ermənistanla sülh, ermənilərin Qarabağa qayıtması haqqında
Bakı/06.12.23/Turan: Azərbaycan Ermənistana qarşı yeni müharibə planlaşdırmır. Bunu dekabrın 6-da Bakıda, ADA Universitetində “Qarabağ: 30 ildən sonra Vətənə qayıdış. Nailiyyətlər və çətinliklər” mövzusunda beynəlxalq konfransın iştirakçıları qarşısında çıxış edən dövlətimizin başçısı İlham Əliyev deyib.
“Bizim Ermənistan ərazisini işğal etmək planımız yoxdur, baxmayaraq ki, vaxtaşırı bununla bağlı bizi ittiham edirlər. Bunu etmək istəsəydik, edərdik. Mən bu barədə açıq danışıram, amma biz bunu istəmirik”, - Əliyev deyib.
O, ermənilərin Qarabağa qayıtma ehtimalına toxunaraq, bunun üçün heç bir maneənin olmadığını bildirib.
“Onların mənzilləri və evləri təhlükəsizdir. Onlar Azərbaycan qanunları çərçivəsində geri qayıda bilərlər”.
Əliyevin fikrincə, bu proses paralel aparılmalıdır. “Ermənistan tərəfi də eyni yanaşma nümayiş etdirməlidir. Onlar da reinteqrasiya üçün elektron portal yarada və orada azərbaycanlıların yaşadıqları kəndlər haqqında məlumat yerləşdirə bilərdilər ki, onlar da öz doğma yerlərinə baş çəkə bilsinlər. Bu, barışığa xidmət edərdi”, - Əliyev hesab edir.
Sülh yolu ilə nizamlanma perspektivlərinə gəlincə, o qeyd edib ki, ilkin olaraq Ermənistan tərəfi sazişin mətninə “Dağlıq Qarabağ Respublikası”nın adının daxil edilməsinə çalışıb, biz bunu rədd edib, ərazi bütövlüyünün qarşılıqlı tanınması şərtini qoyuruq. Ona görə də əgər mətndə Azərbaycandakı erməni azlığı məsələsi varsa, o zaman Ermənistandan qovulmuş azərbaycanlıların da geri qayıtmaq hüququ və təhlükəsizliyi məsələsi də yer almalıdır”, - deyə Əliyev vurğulayıb. Təəssüf ki, erməni tərəfi bunu rədd etdi, deyə o əlavə edib.
Sentyabrın 19-da keçirilən antiterror əməliyyatından sonra məlum oldu ki, sülh müqaviləsində iki azlıq haqqında bənd olacaq və ya ümumiyyətlə, bu bənd olmayacaq”, - Əliyev əlavə edib. -0-
-
- Siyasət
- 6 Dekabr 2023 13:59
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz