Açiq mənbələrdən foto.
Bakı/17.04.21/Turan: Aprelin 17-də prezident İlham Əliyev “2021 Formula 1” Azərbaycan Qran Pri yarışının təşkili və keçirilməsi ilə bağlı Azərbaycana gələcək əcnəbilər və vətəndaşlığı olmayan şəxslər üçün viza prosedurlarının sadələşdirilməsi haqqında sərəncam imzalayıb.
Sərəncamla müəyyən edilir ki, “2021 Formula 1” Azərbaycan Qran Prisinin təşkili və keçirilməsi ilə əlaqədar Azərbaycana gələn və bu sərəncamın 2-ci hissəsində göstərilən sənədlərdən hər hansı birini təqdim edən əcnəbilər və vətəndaşlığı olmayan şəxslər 2021-ci il mayın 1-dən iyunun 15-dək Azərbaycan Respublikasının beynəlxalq hava limanlarında viza ala bilərlər.
Aşağıdakı sənədlərdən biri viza verilməsi üçün əsas hesab ediləcək:
- “Formula 1” yarışlarının beynəlxalq təşkilatçıları olan “Formula One Management Limited” şirkətinin və Beynəlxalq Avtomobil Federasiyasının müvafiq qaydalarına uyğun olaraq akkreditasiyadan keçməni təsdiq edən akkreditasiya kartı;
- Bakı Şəhər Halqası Əməliyyat Şirkətində akkreditasiyadan keçməni təsdiq edən akkreditasiya kartı.
Azərbaycan Xarici İşlər Nazirliyi “2021 Formula 1” Azərbaycan Qran Pri yarışı ilə əlaqədar Azərbaycan Respublikasına gələn əcnəbilər və vətəndaşlığı olmayan şəxslər üçün viza prosedurlarının sadələşdirilməsi barədə “Formula One Management Limited” şirkətinə, Beynəlxalq Avtomobil Federasiyasına və xarici ölkələrin müvafiq orqanlarına məlumat verəcək və bu məlumatın Nazirliyin, eləcə də Azərbaycan Respublikasının xarici ölkələrdəki səfirliklərinin və konsulluqlarının İnternet informasiya ehtiyatlarında yerləşdirilməsini təmin edəcək.
Azərbaycan Dövlət Miqrasiya Xidməti Azərbaycan Respublikasına uçuşlar həyata keçirən aviasiya şirkətlərinə “2021 Formula 1” Azərbaycan Qran Pri yarışı ilə əlaqədar Azərbaycan Respublikasına gələn əcnəbilər və vətəndaşlığı olmayan şəxslər üçün viza prosedurlarının sadələşdirilməsi barədə məlumat verəcək.
Bu il “Formula 1” yarışları yeni şərtlərə uyğun olaraq, tamaşaçı olmadan keçiriləcək, yarışların təşkilatçıları bildiriblər. Yarışlar iyunun 6-da Bakı küçələrində keçiriləcək. 2020-ci ildə COVİD-19 pandemiyası səbəbindən Azərbaycan Qran-Prisi baş tutmayıb.
Siyasət
-
Plastik cərrahiyyə fəaliyyətinə dair saxta sertifikatların verilməsinə görə Səhiyyə Nazirliyinin məmurlarına cinayət işi açılıb. Bu barədə Baş Prokurorluq və Səhiyyə Nazirliyinin 27 dekabr tarixli birgə məlumatında deyilir.
-
Rusiyanın hava hücumundan müdafiə sistemi səhvən AZAL-ın təyyarəsinə hücum etsə də, Rusiya buna görə məsuliyyət daşıyır. Bu barədə bu gün Müsavat Partiyası bildirib.
-
AZAL Bakıdan Rusiyanın digər üç şəhərinə – Nijni Novqorod, Vladiqafqaz və Saratova sərnişin reyslərini dayandırır. Bu barədə AZAL-ın 27 dekabr tarixli məlumatında deyilir.
-
Ermənistan oktyabrda Xankəndidə vəfat etmiş yaşlı erməninin cənazəsini qəbul etməkdən imtina edir. Əgər erməni tərəfi yanvarın sonuna qədər qadının cənazəsini qəbul etməsə, o, Azərbaycanda dəfn olunacaq. Bu barədə Azərbaycanın Əsir və itkin düşmüş, girov götürülmüş vətəndaşlarla əlaqədar.
Rəy yaz