Azərbaycan Fövqəladə Hallar Nazirliyinin 500 əməkdaşını Türkiyəyə göndəriləcək /YENİLƏNİB/

Bakı/30.07.21/Turan: Fövqəladə Hallar Nazirliyinin 500 nəfərlik şəxsi heyəti, vertolyotlar, həmçinin digər zəruri texnika və materiallar yanğınların söndürülməsi üçün qısa müddətdə Türkiyəyə göndəriləcək. Bu barədə Nazirlər Kabineti mətbuat xidmətinin baş nazir Əli Əsədovla Türkiyənin vitse-prezidenti Fuat Oktayın telefon danışığı haqda məlumatında deyilir.-0-

*   *   *

2021 İyul 30 (Cümə) 12:32:24

Azərbaycan yanğınların söndürülməsi üçün Türkiyəyə yardım göndərəcək

Bakı/30.07.21/Turan: Azərbaycan prezidentinin göstərişilə meşə yanğınlarının söndürülməsi üçün Türkiyəyə yardım dəstələri göndəriləcək. Bu barədə dövlət başçısının köməkçisi Hikmət Hacıyevin mətbuat üçün məlumatında bildirilir.

Onun sözlərinə görə, baş nazirə və Fövqəladə Hallar Nazirliyinə lazımi tapşırıqlar verilib.

Ən qısa zamanda yardım dəstələri Türkiyəyə yola düşəcək, Hacıyev deyib. -02D-