Azərbaycan hərbçiləri Laçın yollarını terror aktına cavab olaraq bağladılar /YENİLƏNİB/

Şənbə günü danışıqlardan sonra yol açıldı.

*   *   *

2021 Noyabr 13 (Şəmbə) 22:23:45

Azərbaycan hərbçiləri Laçın yollarını terror aktına cavab olaraq bağladılar

Bakı/13.11.21/Turan: Qarabağda Konstitusiya qaydasının saxlanılması vəzifələrini həyata keçirən Azərbaycan hərbçiləri noyabrın 13-də Laçın yolunda erməni sürücü tərəfindən olan terror aktına cavab olaraq Laçın yolunu bağladılar.

news.am saytın xəbərinə görə, Ermənistan tərəfi Rusiya sülhməramlıları ilə vasitəçiliyi ilə yolun açılması məqsədi ilə danışıqlar aparır.

Öncə xəbər verdiyimiz kimi, bu gün səhər  Şuşa şəhəri yaxınlığında Azərbaycan postu hücuma məruz qalıb. Silahlı erməni Azərbaycan hərbçilərinə qumbara atıb, onlardan biri yaralanıb.

Terror aktını törədən ərməni Rusiya sülhməramlıları tərəfindən saxlanılıb.

Erməni KİV-in məlumatına görə, separatçı rejim azərbaycanlı hərbçilərə hücum faktını təsdiqləyib.

Sputnik-Ermənistan hadisənin yanlış versiyasını yayıb. Bu versiyaya görə, azərbaycanlı hərbçilərin təxribatına cavab olaraq adam azərbaycanlıların  blokpostuna qumbara atıb. "Bu məqamda düşmən orada olan erməni maşınlarına qarşı nizamsız atəş açıb", - deyə məlumatda bildirilir. Amma Rusiya sülhməramlılarının videosunda görünür ki, vəziyyət blokpostlarda sakit idi. Hətta Azərbaycan hərbçiləri terrorçuya qarşı cavab atəşi açmayıblar.—0--