Bakı/05.02.20/Turan: ILGA-Europe (Beynəlxalq Lesbian, Gey, Biseksual, Trans və İnterseksuallar Assosiasiyasının Avropa şöbəsi) fevralın 4-də dünyanın 54 ölkəsində vəziyyəti əks etdirən illik hesabatını dərc edib.
Sənəddə deyilir ki, ötən il Avropa İnsan Hüquqları Məhkəməsində 24 ərizəçinin şikayətlərinin birləşdirildiyi "A Azərbaycana qarşı" işi üzrə kommunikasiya başlayıb.
Hesabatda 2017-ci ildə aparılmış reydlər pislənir. Həmin vaxt Bakının mərkəzində 80 LGTB nümayəndəsi saxlanılıb, işgəncələrə və pis rəftara məruz qoyulub.
2019-cu il aprelin 1-də 8 gey və trans seks işçisi saxlanılıb, bu da yeni saxlanma dalğasının başlanğıcı olub.
Bir neçə gün sonra daha 7 nəfər saxlanılıb. Çoxları məcburi yoxlamadan keçirilib. Bəziləri kiçik xuliqanlığa görə cərimələnib və ya 10-30 gün müddətinə həbs edilib. Onlar əvvəlcə polisə çağırılıb, orada isə saxlanılıblar.
Hesabatda LGTB-yə qarşı digər təzyiq faktları da əksini tapıb. Xüsusən, qarayaxma səbəbindən intihar edən 8-ci sinif şagirdi "Elinanın işi" qeyd edilir.
2000-ci ildə Azərbaycanda homoseksuallığa görə cinayət məsuliyyəti ləğv olunub. Amma 2016-cı ildə ILGA hüquq-müdafiə qrupu qeyd edirdi ki, Avropada geylərin müdafiəsi sahəsində ən pis vəziyyət Azərbaycandadır.
Azərbaycan hakimiyyəti azlıqların təqib edildiyini inkar edir. "Cinsi azlıq təmsilçiləri heç vaxt ölkəmizdə təqibə məruz qalmayıb. Ancaq bu, heç də onların qanunsuz hərəkətlərə görə məsuliyyət daşımaması anmalına gəlmir", deyə 2017-ci ildə XİN bildirib. -16D06-
Siyasət
-
“Abzas Media”nın həbsdə olan əməkdaşı Elnarə Qasımova saxlanıldığı 1 saylı Bakı İstintaq Təcridxanasından ictimaiyyətə məktub ünvanlayıb. Jurnalist məktubunda təcridxanada qadın məhbusların məruz qaldıqları hüquqsuzluqdan, fiziki və psixoloji zorakılıqlardan, qeyri-insani rəftardan söz açıb.
-
Dövlət başçısı “Uca Allahın kölgəsi” deyil, müəyyən müddətə götürülən hökumət idarəçisidir. Bunu “Ana Tili”nəşrinə müsahibəsində Qazaxıstan Prezidenti Kasım Jomart Tokayev deyib.
-
30 dekabr 2024-cü ildə Azərbaycan Liberal Partiyasınin (ALP) onlayn - Qurultayı keçirilmişdir. Qurultay partiyanın Nizamnaməsinə əlavələr etmiş, professor Lalə Şövkət xanımı ALP-nin lideri, Əvəz Temirxanı isə yenidən partiyanın sədri seçmisdir.
-
Azərbaycan, Ukrayna üzərindən Rusiya qazının tranzitinin dayandırılmasından sonra təbii qaz bazarında artan çətinliklər fonunda Avropa üçün əsas enerji tərəfdaşı kimi öz mövqeyini gücləndirir. On il davam edən tranzit marşrutunun sonunu göstərən bu kəsinti, qlobal mayeləşdirilmiş təbii qaz (LNG) bazarında rəqabəti artıracağı və alternativ enerji mənbələrinin qiymətlərini yüksəldəcəyi gözlənilir.
Rəy yaz