Azərbaycan Müdafiə Nazirliyi zavodun atəşə tutulması barədə məlumatı təkzib edib /YENİLƏNİB/

Azərbaycan Müdafiə Nazirliyi Naxçıvan ərazisindən metallurgiya zavodunun atəşə tutulması və iki nəfərin yaralanması ilə bağlı Ermənistan hərbi idarəsinin məlumatını təkzib edib.-0-

*   *   *

2023 İyun 14 (Çərşənbə) 11:45:03

Azərbaycanın Naxçıvandakı mövqeləri intensiv atəşə məruz qalıb

Bakı/14.06.23/Turan: İyunun 14-də saat 10:00-da Ermənistan Silahlı Qüvvələrinin bölmələri Azərbaycan ordusunun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətindəki mövqelərini müxtəlif çaplı silahlardan intensiv atəşə tutub, Azərbaycan Müdafiə Nazirliyi bildirib.  

Azərbaycan ordusunun bölmələri cavab tədbirləri görür. Əməliyyat şəraiti Azərbaycan ordusunun tam nəzarəti altındadır, məlumatda deyilir.

Azərbaycanın bu istiqamətdəki mövqeləri dünən də atəşə tutulub. Erməni tərəfi atışmaya Azərbaycan hərbçilərinin başladığını bildirib. – 06B-