Azərbaycan Müdafiə Nazirliyi Zod mədəninin ərazisində atışma barədə məlumatı təkzib edir /YENİLƏNİB/

Mayın 17-si saat 16:15 radələrində guya Azərbaycan Ordusunun bölmələrinin Ermənistan silahlı qüvvələrinin Basarkeçər rayonunun Zod istiqamətində yerləşən mövqelərini atəşə tutması barədə qarşı tərəfin yaydığı məlumat tamamilə yalandır, bunu qəti surətdə təkzib edirik. Bu barədə Azərbaycan Müdafiə Nazirliyinin məlumatında bildirilir.

Qeyd edək ki, gündüz saatlarından həmin ərazidə qatı duman var. Bu cür məhdudgörmə şəraitində bölmələrimizin qarşı tərəfi atəşə tutması qeyri-mümkündür.

*   *   *

2023 May 17 (Çərşənbə) 18:00:42

Zod mədəninin ərazisində yeni atışma

Bakı/17.05.23/Turan: Çərşənbə axşamı erməni tərəfi Kəlbəcərlə sərhəddə, Ermənistanın Geqarkunik vilayətində Zod kəndi ərazisində öz  mövqelərinin atəşə tutulduğunu bildirib. Ermənistan Müdafiə Nazirliyi bildirir ki, "təcili yardım" maşını ilə yaralıları daşıyan erməni hərbçi və hərbi feldşer atışma nəticəsində yaralanıb.

Hələlik Azərbaycan Müdafiə Nazirliyi bu məlumatı şərh verməyib. 0