![Açiq mənbələrdən foto.](https://turan.az/resized/media/2022/main/031000046009-750-500-resize.webp)
Açiq mənbələrdən foto.
Azərbaycan qanunsuz olaraq dörd türk müəllimi sürgün edib - Avropa İnsan Hüquqları Məhkəməsi
Bakı/10.03.22/Turan: Martın 10-da Avropa İnsan Hüquqları Məhkəməsi "Şentürk və digərləri Azərbaycana qarşı" işi üzrə qərar çıxarıb. Məhkəmənin qərarına görə, Avropa İnsan Hüquqları Konvensiyasının 5-ci (azadlıq və şəxsi toxunulmazlıq hüququ) və 3-cü (qeyri-insani və ya ləyaqəti alçaldan rəftarın qadağan edilməsi) maddələr pozulub.
İş ərizəçilərin saxlanılması, həbsi və Azərbaycandan Türkiyəyə sürgün edilməsi ilə bağlı idi. Dörd ərizəçi Azərbaycanda Gülen hərəkatı ilə bağlı özəl məktəblərdə müəllim işləyirdi. Məhkəmə ərizəçilərin sürgün edilməsinin ekstradisiya adı altında həyata keçirildiyini, onların azadlıqdan məhrum edilməsinin isə milli və beynəlxalq hüququ pozduğunu müəyyən edib.
Ərizəçilər Taci Şentürk, İsa Özdemir, Ayhan Seferoğlu və Erdoğan Taylan Türkiyə vətəndaşlarıdır, onlar hazırda Türkiyədə həbsdədirlər. Bu şəxslər 1992-1995-ci illərdə Azərbaycana gəliblər, burada özəl məktəblərdə işləyiblər.
2017-ci ildə Türkiyə hakimiyyəti Azərbaycan hakimiyyətindən bu şəxsləri həbs etməyi və deportasiya etməyi xahiş edib, Azərbaycan hakimiyyəti bu xahişi təmin edib.
8 iyun 2017-ci il tarixində Azərbaycan hakimiyyəti Şentürkün nə ailəsinə, nə BMT Qaçqınlar üzrə Ali Komissarlığına xəbər vermədən onu Türkiyəyə deportasiya edib. 2018-ci ildə Özdemir, Seferoğlu və Taylan Türkiyəyə deportasiya olunub.
Dörd ərizəçi Ankaranın hərbi çevriliş cəhdində ittiham etdiyi Fetullah Gülen hərəkatına üzvlükdə ittiham edilərək həbs edilib.
Avropa Məhkəməsi ərizəçilərin hər birinə 9 min avro təzminat ödənilməsi barədə hökm çıxarıb.
-
- Maliyyə
- 10 Mart 2022 17:04
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz