mod.gov.az
Bakı/22.06.20/Turan: Azərbaycan Silahlı Qüvvələrinin bölmələri dağlıq ərazidə hücumun planlaşdırılması və aparılması tapşırıqlarının icrası üzrə təlim keçirib. Müdafiə Nazirliyinin mətbuat xidmətinin bazar ertəsi verdiyi məlumata görə, təlimə 800 nəfərədək şəxsi heyət, 100-dək zirehli döyüş və avtomobil texnikası, 40-dək müxtəlif çaplı artilleriya qurğusu, 6 ədəd döyüş və nəqliyyat helikopterləri cəlb olunub.
Təlimin məqsədi komandirlərin dağlıq ərazidə döyüş bacarıqlarının təkmilləşdirilməsi, dağlıq ərazidə hücum döyüşlərinin aparılması zamanı bölmələrin idarəolunması, şəxsi heyətin fiziki dözümlülüyünün yoxlanılması, eləcə də bölmələrin qarşılıqlı fəaliyyətinin təşkili olub.
Həyəcan siqnalı ilə qaldırılan bölmələr ehtiyat rayonunun tutulması, dağ aşırımlarının və hakim yüksəkliklərin ələ keçirilməsi, əsas qüvvələrin hücumu üçün əlverişli şərait yaradılması tapşırıqlarını müvəffəqiyyətlə yerinə yetirib.
Təlimin yekun mərhələsində döyüş atışları icra olunub. -02D-
Siyasət
-
Şənbə axşamı Qroznı şəhərinin mərkəzində bir yanacaqdoldurma məntəqəsində qaz çənlərinin partlaması nəticəsində dörd nəfər ölüb.
-
Avropa İttifaqının iqlim fəaliyyəti üzrə komissarı Vopke Hukstra oktyabrın 10-11-də Bakı səfəri çərçivəsində COP29-dan öncəki son nazirlər görüşündə iştirak edib. COP29-a bir ay əvvəl qalmış Bakıda iqlim maliyyələşməsi, beynəlxalq karbon bazarları, Paris sazişinin 6-cı maddəsi, adaptasiya, nəticələrin yumşaldılması, şəffaf hesabat və COP28-in fosil yanacaqlardan keçidi sürətləndirmək öhdəliyinin yerinə yetirilməsi kimi mövzuları müzakirə etmək üçün mühüm imkan olub.
-
Human Rights Watch beynəlxalq insan hüquqları təşkilatı noyabrda Bakıda keçiriləcək COP29 iqlim sammitinin ev sahibliyi sazişinin nüsxəsini əldə edib. Saziş bu il avqustun 17 və 23-də Bonn və Bakıda imzalanıb, hələ ictimaiyyətə açıqlanmayıb. Təşkilatın yaydığı bəyanata görə, sazişdə iştirakçıların hüquqlarının qorunması ilə bağlı ciddi çatışmazlıqlar var.
-
Oktyabrın 12-də Müdafiə Nazirliyində xidməti müşavirə keçirilib.
Rəy yaz