Azərbaycan və Ermənistan XİN rəhbərləri Qarabağ münaqişəsinin nizamlanması barədə

Bakı/05.12.19/Turan: Qarabağ münaqişəsinin nizamlanması üçün onun nəticələrini aradan qaldırmaq lazımdır. Bunu Azərbaycan XİN rəhbəri Elmar Məmmədyarov dekabrın 5-də Bratislavada ATƏT Xarici İşlər Nazirləri Şurasının iclasında çıxışı zamanı deyib.

Dekabrın 4-də Ermənistan XİN rəhbəri ilə görüş üç saat yarım davam edib. “Bunlar olduqca sərt danışıqlar idi. Təəssüf ki, hələ də qarşımızda həll olunmamış problemlər var”, - o bildirib.

Nazir qey edib ki, ATƏT-in Minsk Qrupu ilə nizamlanmanın mərhələli variantını müzakirə edib. İlk addım münaqişənin nəticələrinin aradan qaldırılması olmalıdır: erməni qüvvələri Dağlıq Qarabağdan və onu əhatə edən Azərbaycan ərazilərindən qeyd-şərtsiz çıxmalıdır.

Öz növbəsində iclasda çıxış edən Ermənistanın xarici işlər naziri Zöhrab Mnatsakanyan qeyd edib ki, nizamlanmanın əsası kimi Dağlıq Qarabağın Azərbaycanın yurisdiksiyası, suverenliyi və ya ərazi bütövlüyü xaricində özünü təyinetmə hüququ olmalıdır. O işarə edib ki, Ermənistan bu hüququ müdafiə etmək üçün Qarabağın tərəfində vuruşacaq. 

Həmçinin Z.Mnatsakanyan Qarabağ ermənilərinin nizamlanmaya dair danışıqlarda iştirakını məcburi sayıb və Bakını ermənifobiyadan əl çəkməyə çağırıb. -02D-