Bakı/17.12.19/Turan: Azərbaycan və Ukrayna bir-birinin ərazi bütövlüyünü qarşılıqlı şəkildə dəstəkləyir. Bu barədə bu gün iki ölkənin prezidentləri - İlham Əliyev və Vladimir Zelenski Bakıda ikitərəfli danışıqlardan sonra keçirilən brifinqdə bildiriblər.
Əsasən V.Zelenski Ukraynanın ərazi bütövlüyünü dəstəklədiyinə görə Azərbaycana minnətdarlığını bildirib. “Biz həmçinin Azərbaycanın suverenliyini və ərazi bütövlüyünü dəstəkləyirik”, - Ukrayna prezidenti deyib.
Onun sözlərinə görə, Ukrayna “böyük birgə layihələr”in həyata keçirilməsi üçün Azərbaycan biznesi ilə daha sıx əməkdaşlıqda maraqlıdır.
O, Azərbaycanın mobil rabitə operatoru “Bakcell”in “Vodafon Ukrayna” şirkətini alması ilə bağlı razılaşmanı əməkdaşlığa yaxşı nümunə adlandırıb.
Kiyev Ukrayna bazarında fəaliyyət göstərən Azərbaycanın SOCAR dövlət neft şirkətinə də dəstək vermək niyyətindədir.
Ukrayna “Cənub” qaz dəhlizi layihəsini dəstəkləyir. V.Zelenskinin sözlərinə görə, tərəflər onun genişlənməsi imkanlarının öyrənilməsi barədə razılığa gəliblər.
“Bu, çox vacib amildir - Avropa istehlakçılarına qaz nəqlinin diversifikasiyası. Bundan əlavə, ölkələrimizin unikal tranzit potensialı və infrastrukturdan tam istifadə olunmalıdır”, - o deyib.
V.Zelenskinin sözlərinə görə, Ukrayna və Azərbaycan qarşılıqlı aviasiya, avtomobil və dəmir yolu daşımalarını intensivləşdirmək niyyətindədir, həmçinin kosmik və aviasiya sahələrində layihələrin həyata keçirilməsində maraqlıdırlar.
2020-ci ilin yanvarında Kiyevdə ikitərəfli hökumətlərarası komissiyanın iclası keçiriləcək. Bundan sonra konkret layihələr hazırlanacaq.
V.Zelenski İ.Əliyevi Ukraynaya səfərə dəvət edib.
Öz növbəsində İ.Əliyev qeyd edib ki, ikitərəfli gündəlik genişdir və V.Zelenskinin səfəri əməkdaşlığın inkişafına güclü təkan verəcək. “Biz bir çox məsələni müzakirə etdik: qarşılıqlı əmtəə dövriyyəsinin artırılması, energetika, nəqliyyat.
Qarşılıqlı investisiyalara böyük maraq var. Əminəm ki, bu gün Azərbaycan-Ukrayna biznes forumu işgüzar dairələrin əlaqələrinə müsbət təsir göstərəcək”, - Azərbaycan prezidenti vurğulayıb. -06D-
Siyasət
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
-
Azərbaycan prezidentinin xarici siyasət məsələləri üzrə müşaviri Hikmət Hacıyev X platformasındakı hesabında yerləşdirdiyi postda senator Ed Markın COP29-da və Bakıdan qayıtdıqdan sonrakı çıxışlarına cavab verib. Hacızadənin sözlərinə görə, senator öz səfərinin nəticələrini "erməni lobbisinin eşitmək istədiklərinə uyğun şəkildə" təqdim edib.
Rəy yaz