Azərbaycan Xarici İşlər Nazirliyi Ermənistanı qəsdən hərbi eskalasiyada ittiham edib

Bakı/11.05.23/Turan: Mayın 11-də Zod mədəninin ərazisində vəziyyət kəskinləşəndən sonra Azərbaycan Xarici İşlər Nazirliyi Ermənistanı ölkənin sərhəd rayonlarında Azərbaycana qarşı hərbi təxribatları artırmaqda ittiham edib.

Azərbaycan Xarici İşlər Nazirliyinin şərhində deyilir ki, mayın 10-da axşam Ermənistan Silahlı Qüvvələri Azərbaycan ordusunun mövqelərinə intensiv atəş açıb, nəticədə azərbaycanlı hərbçi ağır yaralanıb.

“Ermənistan tərəfinə təxribatlara son qoyulması və qəsdən vəziyyətin gərginləşdirməməsi barədə  xəbərdarlıq edilməsinə baxmayaraq, mayın 11-i səhərdən Ermənistan Silahlı Qüvvələri vəziyyəti daha da gərginləşdirərək Azərbaycan ordusunun mövqelərini minaatanlardan atəşə tutub, təxribatlar nəticəsində bir nəfər hərbi qulluqçu həlak olub.

Ermənistanın təxribatlarının hər zaman olduğu kimi, sülh sazişi üzrə danışıqların intensivləşdiyi, eləcə də liderlər arasında gözlənilən danışıqlar fonunda baş verməsi Ermənistanın sülh prosesində maraqlı olmadığını göstərir”, - Azərbaycan Xarici İşlər Nazirliyinin

“Ermənistanın danışıqlar prosesinə xələl gətirən bu kimi əməlləri ciddi formada beynəlxalq birlik tərəfindən rədd edilməli və qınanılmalıdır. Azərbaycan Silahlı Qüvvələri Ermənistanın təxribatlarının qarşısını almaq məqsədilə bütün lazımı tədbirləri görür. Vəziyyətin qəsdən gərginləşdirilməsinə görə bütün məsuliyyət Ermənistanın hərbi-siyasi rəhbərliyinin üzərinə düşür”, - Azərbaycan Xarici İşlər Nazirliyinin bəyanatında deyilir. 06В