Azərbaycan XİN: Azərbaycanla ultimativ dildə danımaq olmaz

Bakı/18.01.19/Turan: Azərbaycan Xarici İşlər Nazirliyi Rusiya Xarici işlər Nazirlyinin "bəzi Rusiya vətəndaşlarının Azərbaycana buraxılmaması" barədə iddiasına cavab olaraq yanvarın 18-də açıqlama yayıb.

Azərbaycan XİN bəyan edir ki, Azərbaycan və Rusiya bərabərhüquqlu suveren dövlətlərdir, Azərbaycanla ultimativ tərzdə danışmaq qəbuledilməz və diplomatik etik qaydalara tamamilə ziddir.

Azərbaycan XİN-in məsələ ilə bağlı verdiyi şərhlərin tərzi RF XİN-in verdiyi açıqlamaya adekvat cavab idi.

"Bir daha bildiririk ki, yalnız 2018-ci il ərzində 880.000 nəfərdən artıq Rusiya vətəndaşı Azərbaycan Respublikasına səfər edib və onların mütləq əksəriyyəti bu səfərdən razı qalıb, göstərilən qonaqpərvərliyə görə təşəkkürlərini ifadə ediblər", Azərbaycan XİN-in açıqlamsında deyilir.

- Azərbaycan tərəf RF XİN-in bu məsələ ilə bağlı anlaşılmaz inadkarlığının başa düşülməz, Azərbaycan-Rusiya strateji əlaqələrinin mahiyyətinə zidd olduğunu, Azərbaycan və Rusiya prezidentlərinin iki ölkə arasında əlaqələrin inkişafı üçün nümayiş etdirdiyi iradə və gördükləri işlərlə heç bir halda uzlaşmadığını bəyan edirlər.

Azərbaycan XİN bəyan edir ki, Rusiya XİN tərəfindən atılacaq addımlara cavab olaraq Azərbaycan tərəf də adekvat tədbirlərin görülməsini müəyyən edəcəkdir. -0-