Azərbaycan XİN Cenevrə görüşünün yekunları barədə

Bakı/31.10.20/Turan:  Azərbaycanın xarici İşlər naziri Ceyhun Bayramov Cenevrədə ATƏT-in Minsk Qrupunun həmsədrləri və Ermənistan XİN rəhbəri ilə dünənki görüşündə münaqişənin beynəlxalq hüququn norma və prinsipləri, eləcə də BMT Təhlükəsizlik Şurasının qətnamələri, beynəlxalq təşkilatların qərar və sənədləri əsasında həllinə dair Azərbaycanın mövqeyini təqdim edib. Bu barədə Azərbaycan XİN mətbuat xidmətinin məlumatında bildirilir.

“Humanitar tədbirlərdən bəhs edən C.Bayramov Azərbaycanın sərgilədiyi konstruktiv yanaşmanı vurğulayıb. Bu xüsusda, Azərbaycan tərəfindən birtərəfli qaydada cəsədlərin, habelə ahıl erməni qadının Ermənistan tərəfinə təhvil verildiyini qeyd edib. C.Bayramov həmçinin Ermənistanın beynəlxalq humanitar hüququ kobud şəkildə pozaraq mülki şəxsləri və yaşayış məntəqələrini məqsədli şəkildə atəşə tutmasının qəbuledilməz olduğunu vurğulayıb.—21D-