Azərbaycan XİN: Elmar Məmmədyarovun bəyanatı 3+2 formatına uyğundur

Bakı/19.04.19/Turan: Azərbaycan XİN Bakının danışıqların məxfiiyini pozması ilə bağlı Yerevanın fikirlərini qəbul etmir.

Aprelin 17-də Azərbaycanın xarici işlər naziri Elmar Məmmədyarov bildirib ki, ABŞ dövlət katibinin iştirakı ilə iki ölkə xarici işlər nazirlərinin yeni görüşü hazırlanır. O həmçinin aprelin 15-də Moskvada nazirlərin görüşündə 2016-cı ildə nizamlanmaya dair hansısa proqramın müzakirəsi haqda məlumat verib.

Ermənistan XİN nümayəndəsi E.Məmmədyarovun sözlərini təkzib edərək bildirib ki, hələ razılaşdıırlmamış görüş haqda informasiya qarşılıqlı etimada əsaslanan normal iş şəraitinin formalaşmasına şərait yaratmır. O, faktiki olaraq Azərbaycan tərəfini danışıqların məzmununu təhrif etməkdə ittiham edib.

Öz növbəsində Azərbaycan XİN-in rəsmi nümayəndəsi Leyla Abdullayeva erməni tərəfin fikirlərinin əsassız olduğunu bildirib.

"Ermənistan-Azərbaycan Dağlıq Qarabağ münaqişəsinin sülh yolu ilə həllinə dair Azərbaycan xarici işlər nazirinin erməni tərəfi və ya ATƏT-in Minsk Qrupunun həmsədləri ilə keçiriləcək görüşlər və atılacaq addımlara dair şərhləri 3+2 formatında qəbul edilmiş birgə bəyanatlara tam uyğun olaraq edilir. Sözügedən bəyanatlar isə açıq şəkildə iki ölkə əhalisinin sülhə hazırlanması zərurətini dəstəkləyir. Ermənistan rəhbərliyi anlamalıdır ki, mövcud status-kvo qəbuledilməzdir, dayanıqlı deyil və bu proses həmişəlik davam edə bilməz", - L.Abdullayeva bildirib.

"Bakı Ermənistan Xarici İşlər Nazirliyini 3+2 formatında qəbul edilmiş bəyanatlara qoşulmağa və daha praqmatik olmağa, eləcə də ATƏT-in Minsk Qrupu həmsədrlərinin fəaliyyətinə etimad göstərməyə və dəstək nümayiş etdirməyə dəvət edirik. Əgər Ermənistan tərəfi etimad quruculuğundan və danışıqlarda səmimiyyətin yaradılmasından bəhs edirsə, o zaman Azərbaycan tərəfində olduğu kimi onlar da qarşılıqlı etimadın yaradılmasına çalışmalı və buna uyğun şərhlər verməlidirlər. Eyni zamanda onlar regionda sülh, sabitlik və rifahın yaradılması istiqamətindəki səylərə qoşulmalıdırlar", - L.Abdullayeva bildirib.-06D--

Rəy yaz

Siyasət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti