Açiq mənbələrdən foto.
Bakı/05.09.20/Turan: ABŞ Beynəlxalq İnkişaf Agentliyinin (USAID) maliyyə dəstəyi ilə Azərbaycan Qızıl Aypara Cəmiyyətinin könüllüləri pandemiyada çətinlik çəkən ailələrə 7000 qutu qida və gigiyena məhsulları çatdırırlar. Ölkənin səkkiz regionunda 3500 ailə yardım alacaq. Bu, USAID-19 çağırışlarına cavab olaraq USAID-in Beynəlxalq Qırmızı Xaç Cəmiyyətləri Federasiyası və Qırmızı Ayparanın maliyyə dəstəyilə ehtiyacı olan ailələrə ikinci yardım partiyasıdır.
Sentyabrın 2-də ABŞ səfiri Li Litsenberger fəhlə və könüllülərin humanitar yardım qutularını qablaşdırdıqları və yüklədikləri anbarda Azərbaycan Qızıl Aypara Cəmiyyətinin vitse-prezidenti Qafar Əsgərzadə və baş katib Ceyhun Mirzəyevlə görüşüb.
“Birləşmiş Ştatlar Covid-19 qlobal pandemiyası ilə bağlı problemləri həll etmək üçün Azərbaycan xalqını dəstəkləməkdə davam edir. Biz Beynəlxalq Qızıl Xaç Və Qızıl Aypara Cəmiyyətləri Federasiyası və Azərbaycan Qızıl Aypara Cəmiyyətinin USAID vasitəsilə göstərdiyi səyləri dəstəkləməkdən qürur duyuruq”, - səfir Litsenberger deyib.
USAID-in dəstəyilə Azərbaycan Qızıl Aypara Cəmiyyəti 800-dən çox könüllünün pandemiyaya ilə bağlı təlim keçirib, 200000 nəfərə yaxın adama Covid-19-dan qorunmaq barədə lazımi informasiya verib. Onlar həmçinin pandemiya zamanı zərər çəkənlərə psixoloji dəstək göstərə biliblər.
“Azərbaycan Qızıl Aypara Cəmiyyəti əhalinin ən zəif təbəqələrinə - yaşlı insanlara, xroniki xəstələrə və ya əlillərə, evlərini tərk edə bilməyənlərə onları qida məhsulları, gigiyena vasitələri və gündəlik yardımla təmin etməklə dəstək verir. USAID-in dəstəyilə Qızıl Aypara komandaları ehtiyacı olanlara lazımi yardım göstərməyi davam etdirəcəklər”, - Beynəlxalq Qızıl Xaç Və Qızıl Aypara Cəmiyyətləri Federasiyası Cənubi Qafqaz ofisinin rəhbəri Olqa Cumayeva bildirib.
Ümumilikdə, Birləşmiş Ştatlar pandemiyanın səhiyyə və iqtisadiyyata təsirini yumşaltmaq üçün Azərbaycana 4,6 milyon dollardan çox vəsait ayırıb. Qlobal miqyasda Birləşmiş Ştatlar pandemiyaya qarşı mübarizə aparmaq üçün 20,5 milyard dollar yardım göstərib.—06d-
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz