Bakı/21.08.18/Turan: Bu ilin yanvar-iyul ayları ərzində Azərbaycana dünyanın 191 ölkəsindən 1 milyon 655 min nəfərdən çox əcnəbi və vətəndaşlığı olmayan şəxsin səfər etdiyi bildirilir.
Dövlət Statistika Komitəsinin məlumatına görə, bu göstərici ötən ilin müvafiq dövrü ilə müqayisədə 9,1 faiz çoxdur.
Azərbaycan ən çox səfər edənlər Rusiya vətəndaşları olub - 31,5 faiz.
Yerdə qalanların 19,8 faizi Gürcüstanın, 10,3 faizi Türkiyənin, 10 faizi İranın payına düşür. Birləşmiş Ərəb Əmirliklərindən gələnlər 3,5, İraqdan gələnlər 2,4, Ukraynadan gələnlərsə 2 faiz təşkil edib.
Azərbaycana gələnlərin sayının əsasən, Körfəz ölkələri (Birləşmiş Ərəb Əmirlikləri və İran istisna olunmaqla) hesabına artdığı bildirilir. Ötən ilin yanvar-iyul ayları ilə müqayisədə Azərbaycana gələn Küveyt vətəndaşlarının sayı 3,3, Səudiyyə Ərəbistanı vətəndaşlarının sayı 3, Bəhreyn vətəndaşlarının sayı isə 2,7 dəfə artıb.
Yanvar-iyul aylarında Avropa İttifaqına üzv ölkələrdən Azərbaycana gələnlərin sayının 7,4 faiz artaraq 65,9 min nəfər təşkil etdiyi bildirilir. MDB ölkələrindən gələnlərin sayı da artıb.
Yanvar-iyul aylarında xarici ölkələrə gedən Azərbaycan vətəndaşlarının sayının da artdığı bildirilir. Əvvəlki ilin eyni dövrü ilə müqayisədə artım 9 faiz olub.
Azərbaycandan səfər edənlərin sayı 2 milyon 514,8 min nəfər olub.
Azərbaycan vətəndaşlarının 33,4 faizi Gürcüstana, 24 faizi İrana, 22,9 faizi Rusiyaya, 15,2 faizi Türkiyəyə səfər ediblər.
7 ayda İrana gedən Azərbaycan vətəndaşlarının sayı 31,2, Gürcüstana səfər edənlərinsə sayı 0,9 faiz çoxalıb.
Türkiyəyə gedənlərin sayının 5,5, Rusiyaya gedənlərin sayınınsa 2,6 faiz azaldığı bildirilir.--0--
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz