![Azərbaycanın Ukraynadakı səfiri Seymur Mərdaliyev Kiyev meri Vitali Kliçko ilə görüşüb](https://turan.az/resized/media/2023/main/090600066296-750-500-resize.webp)
Azərbaycanın Ukraynadakı səfiri Seymur Mərdaliyev Kiyev meri Vitali Kliçko ilə görüşüb
Azərbaycanın Ukraynadakı səfiri Kiyev merilə əməkdaşlıq məsələlərini müzakirə edib
Bakı/06.09.23/Turan: Azərbaycanın Ukraynadakı səfiri Seymur Mərdəliyev Kiyev şəhərinin meri Vitali Kliçko ilə görüşüb. Bu barədə səfir X (keçmiş Twitter) mikrobloqunda yazıb.
"Bu gün Kiyev meri Vitali Kliçko ilə görüşə şad oldum. Biz Azərbaycan və Kiyev arasında əməkdaşlığın, həmçinin qardaş şəhərlər Bakı və Kiyev arasında tərəfdaşlığın möhkəmləndirilməsi üzrə məhsuldar fikir mübadiləsi apardıq. Mənə göstərilən səmimi qonaqpərvərliyə görə Kliçkoya minnətdaram", - səfir qeyd edib.
Rusiyanın Ukraynaya hücumunun ilk günlərindən Azərbaycan bu ölkəyə humanitar yardım göstərir. Rəsmi məlumatlara görə, yardımın ümumi həcmi 43 milyon manatı keçib.
Həmçinin müharibədən zərər çəkmiş 120 ukraynalı uşaq Azərbaycanda tibbi və sosial-psixoloji reabilitasiya keçib.
Bundan əlavə, Azərbaycan müharibə zamanı İrpen şəhərində dağıdılmış Zərifə Əliyeva adına 12 saylı məktəbi bərpa edəcək.
Azərbaycan Dövlət Neft Şirkətinin Ukrayna bölməsi-SOCAR Energy Ukraine Ukraynanın təcili xidmət maşınları üçün təmənnasız yanacaq tədarük edir. 16B06
-
- İqtisadiyyat
- 6 Sentyabr 2023 16:39
Siyasət
-
Bazar ertəsi Birləşmiş Ştatlar Moskva rəsmilərinin Gürcüstanın hakim partiyasına hakimiyyəti əlində saxlaması üçün “köməyini” təklif etməsindən sonra Rusiyanın Gürcüstanda seçkilərə müdaxilə etmək cəhdlərini “diqqətlə müşahidə etdiyini” bildirib, xəbəri Turan-ın Vaşinqtondakı müxbiri verib.
-
Bazar ertəsi Birləşmiş Ştatlar bildirib ki, Azərbaycan və Ermənistan arasında sülh müqaviləsinə nail olunması üzərində işləməyə davam edir, bu barədə Turan-ın Vaşinqtondakı müxbiri xəbər verib.
-
Azərbaycan Xarici İşlər Nazirliyi Avropa İttifaqı Şurasının Ermənistana Avropa Sülh Fondu çərçivəsində 10 milyon avro məbləğində hərbi yardım verilməsi barədə qərarını pisləyib Fransa tərəfindən Ermənistanın “Bastion” çoxməqsədli zirehli avtomobilləri və “Sezar” özüyeriyən artilleriya qurğuları ilə təchiz edilməsi istiqamətdə atılan addımlardan sonra, Avropa İttifaqının Ermənistana hərbi yardım göndərməsi qərarı olduqca yanlış və təhlükəli addımdır və regionda gərginliyin artmasına xidmət edir. Avropa İttifaqı tərəfindən bu kimi fəaliyyətlər açıq şəkildə birtərəfli və qərəzli xarakter daşıyır, bölgədə “bölücü xətlər” yaratmaq siyasətinin təzahürüdür. Bu barədə Azərbaycan Xarici İşlər Nazirliyinin mətbuat katibi Ayxan Hacızadə sözü gedən qərarı şərh edərək bildirib.
-
İyulun 22-də Avropa İttifaqı Şurası Ukraynaya hücum ilə əlaqədar Rusiyaya qarşı sanksiyaları daha 6 ay, 31 yanvar 2025-ci ilədək uzadıb.
Rəy yaz