Azərbaycanla Qırğızıstan arasında ikitərəfli sazişlər paketi imzalanıb /YENİLƏNİB/

Bakı/20.04.22/Turan: Çərşənbə günü Bakıda Azərbaycan və Qırğızıstan prezidentləri arasında ikitərəfli danışıqların yekunlarına əsasən ikitərəfli sazişlər imzalanıb.

Əsasən iki ölkənin dövlət başçıları Azərbaycanla Qırğızıstan arasında strateji tərəfdaşlıq haqqında bəyannamə imzalayıblar.

İki ölkənin Dövlət İdarəçilik akademiyaları, Dövlət telekanalları, Kənd Təsərrüfatı nazirlikləri, Antiinhisar komitələri, Rabitə və Rəqəmsal İnkişaf nazirlikləri arasında əməkdaşlıq sazişi imzalanıb.

Həmçinin hava daşımaları, əqli mülkiyyətin qorunması və iki ölkənin Maliyyə nazirlikləri arasında əməkdaşlıq haqqında hökumətlərarası saziş imzalanıb. -02D

*   *   *

2022 Aprel 20 (Çərşənbə) 12:10:18

Qırğızıstan prezidentinin səfəri

Bakı/20.04.22/Turan: Çərşənbə günü səhər Qırğızıstan prezidenti Sadır Japarovun Azərbaycana rəsmi səfəri başlayıb. Azərbaycan prezidenti İlham Əliyevlə təkbətək görüş zamanı həmsöhbətlər ikitərəfli münasibətlərin daha da inkişaf etdirilməsi və möhkəmləndirilməsi məsələlərini müzakirə ediblər.

Əliyev qeyd edib ki, səfər çərçivəsində sazişlər paketi imzalanacaq və bunlardan ən mühümü strateji tərəfdaşlıq haqqında bəyannamədir.

"Bu, münasibətlərimizi yeni səviyyəyə qaldıracaq", - Əliyev deyib və vurğulayıb ki, ticarət-iqtisadi, nəqliyyat əlaqələrinin inkişafı və regional təhlükəsizlik məsələləri də diqqət mərkəzində olacaq.

Sonra görüş nümayəndə heyətlərinin iştirakı ilə davam edib.-02D-