Bakı ərazi bütövlüyünə hörmət prinsipi əsasında Yerevanla münasibətləri normallaşdırmağa hazırdır

Bakı/30.04.21/Turan: Azərbaycan ərazi bütövlüyü və suverenlik prinsipi əsasında Ermənistanla münasibətləri normallaşdırmağa hazırdır. Bu barədə cümə günü Bakıda Litvanın xarici işlər naziri Landsberqislə görüşün yekunlarına həsr olunmuş brifinqdə Azərbaycan xarici işlər naziri Ceyhun Bayramov bildirib.

Bayramov Ermənistanı mina sahələrinin xəritəsini Azərbaycana vermək istəməməkdə ittiham edib, bir halda ki, Azərbaycan tərəfi 10 noyabr 2020-ci il tarixli üçtərəfli bəyanatın bütün bəndlərinə riayət edir.

“Azərbaycanın və beynəlxalq tərəfdaşların çağırışlarına baxmayaraq, Ermənistan mina sahələrinin xəritəsini verməkdən imtina edir. Noyabrın 10-dan sonra azad edilmiş ərazilərdə 22 nəfər minaya düşərək dünyasını dəyişib, 100-ə yaxın insan isə yaralanıb, deyə o bildirib.

Öz növbəsində, Litvanın xarici işlər naziri Bakını və Yerevanı regionun təhlükəsizliyinin artırılması və sülhün möhkəmləndirilməsi üçün “qalan məsələləri” həll etməyə çağırıb. -02D-