Bakı Şuşa-Xankəndi yolunda baş verənlərə aydınlıq gətirib /YENİLƏNİB/ /YENİLƏNİB/ /YENİLƏNİB/

Azərbaycanın Ekologiya Nazirliyi, “AzerGold” QSC və Daşınmaz Əmlak Məsələləri Dövlət Xidmətinin əməkdaşlarının Rusiya sülhməramlılarının komandanlığı ilə sülhməramlı qüvvələrin Xocalı şəhərindəki qərargahında danışıqlar aparılıb. Onlar şənbə günü axşam saat 6-da tamamlandı.

 Ekologiya Nazirliyindən verilən məlumata görə, müzakirələr zamanı Azərbaycan tərəfi Rusiya sülhməramlılarının müvəqqəti yerləşdiyi ərazilərdə faydalı qazıntıların qanunsuz istismarından bir daha əsaslı narazılığını bildirib.

 “Bu xüsusda, faydalı qazıntıların qanunsuz istismarının aparıldığı yataqlarda və müvafiq digər məntəqələrdə monitorinq, əmlakın inventarizasiyası və ekoloji araşdırma işlərinin aparılmasının vacibliyi vurğulanmışdır.

Xocalıda, sülhməramlı qüvvələrin qərargahında keçirilmiş müzakirələrin nəticəsi olaraq qeyd olunan fəaliyyət istiqamətləri üzrə ərazidə işlərin aparılması üçün Azərbaycan Respublikası Ekologiya və Təbii Sərvətlər Nazirliyi və digər aidiyyəti qurumların iştirakı ilə yol xəritəsinin hazırlanmasına başlanılmışdır”. -0-

*   *   *

2022 Dekabr 03 (Şəmbə) 19:25:09

Bakı Şuşa-Xankəndi yolunda baş verənlərə aydınlıq gətirib /YENİLƏNİB/ /YENİLƏNİB/

Sülhməramlılarla 3 saatlıq danışıqlardan sonra Rusiya sülhməramlılarının müşayiəti ilə Ekologiya Nazirliyinin və “AzerGold”un əməkdaşları avtomobillə Xankyandıya gediblər və burada Qarabağ bölgəsində monitorinq məsələləri müzakirə olunub. Bu barədə Ekologiya Nazirliyindən bildiriblər. Danışıqların nəticələri barədə məlumat verilmir. -0-

*   *   *

2022 Dekabr 03 (Şəmbə) 15:00:01

Bakı Şuşa-Xankəndi yolunda baş verənlərə aydınlıq gətirib /YENİLƏNİB/

Rusiya sülhməramlı qüvvələrinin komandanlığına onların müvəqqəti olaraq yerləşdirildiyi Azərbaycan ərazilərində faydalı qazıntıların qanunsuz istismarı baş verir. Azərbaycanın Müdafiə Nazirliyi Ekologiya Nazirliyinin sorğusu əsasında monitorinq aparılması və faydalı qazıntıların qanunsuz istismar faktlarının araşdırılması məqsədilə Rusiya sülhməramlılarına müraciət edib.

3 dekabr 2022-ci il tarixində saat 11:00 radələrində Ekologiya Nazirliyinin, Əmlak Məsələləri Dövlət Xidməti və "AzerGold" Qapalı Səhmdar Cəmiyyətinin əməkdaşları əraziyə keçid üçün Xankəndi ilə Şuşa şəhəri arasındakı Rusiya sülhməramlı qüvvələrinin nəzarət məntəqəsinə yaxınlaşıblar.

"Hazırda Rusiya sülhməramlı qüvvələrinin müvəqqəti yerləşdirildiyi ərazilərimizdə faydalı qazıntıların qanunsuz istismarı və bundan əmələ gələn gələn ekoloji fəsadların araşdırılması və monitoriqi məqsədilə ekspertlərdən ibarət qrupun həmin ərazilərdə fəaliyyət göstərməsi sülhməramlı qüvvələrin komandanlığı ilə müzakirə olunur. Danışıqların yekunları barədə ictimaiyyətə məlumat veriləcək", deyə Ekologiya Nazirliyinin məlumatında bildirilir. 

Qeyd edək ki, qeyd edilən saatdan etibarən Laçın dəhlizi ilə hərəkət dayandırılıb. 02В

*   *   *

2022 Dekabr 03 (Şəmbə) 14:07:38

Ermənilər Laçın dəhlizinin bağlandığını bildiriblər

Bakı/03.12.22/Turan: Şənbə günü saat 13.00 radələrində Azərbaycanlılar Laçın dəhlizini bağlayıblar. Erməni mənbələri iddia edirlər ki, bu, Şuşa şəhərinin girəcəyində baş verib. Onların iddiasına görə, bunu bir qrup mülki geyimli şəxs edib.

Azərbaycan tərəfi hələlik vəziyyəti şərh etmir. 

Hərbi ekspert Elxan Şıxəliyev Turan ilə söhbətində qeyd edib ki, yolun Azərbaycan Silahlı Qüvvələrinin nəzarəti altına alınması və bağlanmaması barədə danışmaq düzgündür. 

"Bu çoxdan gözlənilirdi. Laçın yolu ilə Qarabağa iranlı terrorçular daxil olub, Ermənistandan silahlar daşınıb. Ermənistan silahlı birləşmələri tərəfindən istifadə olunması ilə bağlı Rusiya ilə fikir ayrılıqlarına son qoymaq üçün Laçın yolunu Azərbaycan-Rusiya birgə nəzarəti altına almaq məqsədəuyğundur", - deyə ekspert bildirib.--0--