Bakı və Yerevan abidə müharibəsinə keçiblər

Bakı/12.02.21/Turan:  Azərbaycan KİV-də çoxsaylı yazılar və ölkə nümayəndələrinin bəyanatları öz təsirini göstərdi: Qarabağın ermənilərin yaşadığı hissəsində Qaregin Njdenin abidəsinin söküləcəyi ilə bağlı məlumatları müzakirə və dərc edirlər. Faşistlərin tərəfdarı Qaregin Ter-Arutyunyanı (Njde) təsvir edən heykəl yayda Qarabağın Xocavənd şəhərində (keçmiş Martuni) qoyulub. Qarabağın bu hissəsində əhalinin təhlükəsizliyini RF ordusu təmin edir.

Birinci Dünya Müharibəsindən sonrakı illərdə Qaregin Njde Zəngəzurda 30-dan artıq Azərbaycan kəndinin məhv edilməsinə göstəriş verib. 1920-ci ildə Qırmızı Ordunun əsir düşmüş 400-ə yaxın əsgərinin güllələnməsi onun vicdanına yazılıb.

İkinci Dünya Müharibəsi zamanı Njde sovetin arxa cəbhəsinə göndərmək üçün Almaniyada erməni faşistlərinin dəstələrini formalaşdırırdı. SSRİ-yə qarşı cinayətlərə görə həbs olunaraq 25 il müddətinə azadlıqdan məhrum edilib.

Rusiya sülhməramlılarının məsuliyyət zonasında nasist əlaltısına abidəs ucaldılması həm Azərbaycanın, həm də Rusiyanın üzünə tüpürməkdir, - "Milli Müdafiə" jurnalının baş redaktoru İqor Korotçenko "Vestnik Qafqaz"a bildirib.

Abidənin təntənəli açılışı olmayıb, ermənilər bunu Moskvanın mümkün narazılığı ilə izah edirlər, belə ki, hazırda regionu onun hərbçiləri idarə edir. Lakin bu ilin yanvarından Azərbaycan mətbuatı rusiyalı hərbçilərin faşistin abidəsinə qayğısı haqda məlumat verməyə başlayıblar.

Qeyd edək ki, Xocavənd-Martunidə ASALA terrorçusu Monte Melkonyanın da abidəsini ucaldılıb.

2021-ci ilin fevralında Ermənistanın “Lragir” saytında Rusiya sülhməramlılarının narazılığına görə Qarabağ administrasiyasının bu abidəni götürmək niyyəti barədə iki material dərc olunub.

Yerevan Böyük Vətən Müharibəsinin Qarabağ iştirakçılarının abidəsinə atəş açılması barədə məlumatla Bakıya cavab zərbəsi endirmək qərarına gəlib. Erməni tərəfi iddia edir ki, Avetaranos kəndindəki abidə azərbaycanlılar tərəfindən atəşə tutulub.Rusiya XİN-in mətbuat katibi Mariya Zaxarova buna reaksiya verib: “Rusiyanın Əsgəran rayonunun Avetaranos kəndində Böyük Vətən Müharibəsində həlak olanlara qoyulmuş abidənin təhqir edilməsi faktı ilə bağlı Azərbaycandan Rusiyaya açıqlama verildi. Bakıda bildirdilər ki, araşdırma aparılır və günahkarlar məsuliyyətə cəlb olunacaqlar. Abidələrin təhqir edilməsilə bağlı bizim prinsipial mövqeyimiz yaxşı məlumdur - abidələrin hər hansı şəkildə təhqir edilməsi yolverilməzdir, üstəlik söhbət Vətən Müharibəsi qəhrəmanlarının abidələrindən gedirsə, burada, ümumiyyətlə, prinsipcə, başqa mövqe ola bilməz, - RF XİN nümayəndəsi qeyd edib.

Sovet dövründə Böyük Vətən Müharibəsi qəhrəmanlarının abidələri ölkənin bütün rayon mərkəzlərində qoyulurdu. Erməni işğalı illərində Cəbrayıl və Zəngilanda ziyan dəymiş heykəltəraşlıq komplekslərinin fotoşəkillərinin Azərbaycan KİV-də nümayiş etdirilməsilə Bakının cavabı verilib. –0—