Prezident İlham Əliyev.
Bakı/02.10.23/Turan: Azərbaycan 10 ildən çoxdur ki, beynəlxalq kosmik klubun üzvüdür, prezident İlham Əliyev 74-cü Beynəlxalq Astronavtika Konqresinin açılış mərasimində çıxışı zamanı bildirib.
"Bu gün ölkəmiz iki telekommunikasiya peykinə və bir Yer səthini müşahidə peykinə sahibdir", - Əliyev deyib.
Onun sözlərinə görə, Azərbaycan bu sahəni inkişaf etdirməyə davam edir.
O əmin olduğunu bildirib ki, Konqresin Bakıda keçirilməsi Azərbaycanda kosmik sahənin və qabaqcıl texnologiyaların inkişafına və modernləşdirilməsinə xidmət edəcək.
Oktyabrın 6-dək davam edəcək konqresdə 101 ölkədən kosmik agentliklərin, dövlət qurumlarının 5 mindən çox nümayəndəsi, investorlar və özəl kosmik şirkətlər, o cümlədən 50-yə yaxın astronavt iştirak edir.
Konqresin sərgi pavilyonunda 150 şirkət təmsil olunub.
Sərgidə iştirak edən agentliklər və şirkətlər arasında ABŞ, Rusiya, Türkiyə, Yaponiya, İtaliya, Fransa, Hindistan və digər ölkələrin kosmik agentlikləri var. 06B
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz