Açiq mənbələrdən foto.
Bakı/11.05.22/Turan: Mayın 15-də saat 13-19 arasında Bakıda Landmark otelinin Qaya Zalında (Ünvan: Nizami 90 A) "Yaponiya Mədəniyyət Festivalı" keçiriləcək. Tədbir Yaponiya Səfirliyi və Yaponiya Mədəniyyət Festivalı Təşkilat Komitəsinin (Bakı Dövlət Universiteti, Azərbaycan Dillər Universiteti, 225 saylı orta məktəb, "Yapon.az" Yapon dili və Mədəniyyəti Mərkəzi) birgə təşkilatçılığı, Landmark Baku və JTI Azərbaycan şirkətlərinin dəstəyi ilə həyata keçiriləcək.
Bu barədə Yaponiyanın Azərbaycandakı Səfirliyi məlumat yayıb.
Tədbirdə Yaponiya ilə bağlı müxtəlif qurumların iştirakı ilə Yaponiya mədəniyyəti nümunələri stendləri, qurumların Yaponiya ilə əlaqəli əl işlərinin nümayişi və Yaponiya ilə əlaqədar müxtəlif səhnə çıxışlarının olması planlaşdırılır.
Festival ictimaiyyət üçün açıqdır.
Səfirlik bildirir ki, Yaponiyanın Azərbaycandakı Səfirliyi 2022-ci ildə Yaponiya ilə Azərbaycan arasında diplomatik münasibətlərin əsasının qoyulmasının 30-cu ildönümü münasibətilə silsilə tədbirləri davam etdirir. -0-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz