Hikmət Hacıyev
Bakı/06.09.21/Turan: Bakı və Moskva hələlik Rusiya sülhməramlılarının Qarabağda mandatını razılaşdırmayıblar, Azərbaycan prezidentinin beynəlxalq məsələlər üzrə köməkçisi Hikmət Hacıyev Bi-Bi-Si-yə müsahibəsində bildirib.
“Əlavə razılaşmalar və sülhməramlıların mandatı ilə bağlı əlavə hüquqi mexanizmlər barədə müzakirələr hələ davam edir", - o deyib.
Qarabağda Rusiya sülhməramlılarının fəaliyyəti və əməliyyatları Azərbaycan, Rusiya və Ermənistan liderlərinin 10 noyabr 2020-ci il tarixli üçtərəfli bəyanatına əsasən həyata keçirilir.
"Bütün Qarabağ Azərbaycanın suveren ərazisidir, beynəlxalq ictimaiyyət Azərbaycanın ərazi bütövlüyünü və suverenliyini tanıyır və 10 noyabr bəyanatına uyğun olaraq sülhməramlı qüvvələr Azərbaycanın Qarabağ bölgəsinin müəyyən bir hissəsində müvəqqəti olaraq yerləşdiriliblər", - Hacıyev qeyd edib.
Bu bəyanatla rəsmi Bakı ilk dəfə təsdiq edib ki, Rusiya sülhməramlılarının səlahiyyətlərinə dair mandatı imzalamayıb. Ötən 10 ay ərzində sülhməramlıların əməllərinin dəfələrlə tənqid olunması və onların hüquq və səlahiyyətləri barədə razılaşmaların davam etməsi ondan xəbər verir ki, Bakı Moskvanın əldə etmək istədiyi hüquqlarla razı deyil. Moskva isə Bakıya Azərbaycanın tələb etdiyi səlahiyyətləri vermək istəmir.
Xatırladaq ki, Bakı Laçın dəhlizində özünün iştirakının və nəzarətinin vacibliyini dəfələrlə bəyan edib. Bundan əlavə, Bakı Ermənistandan hərbçilərin Qarabağa göndərilməsinə son qoyulmasını və orada qalan erməni qüvvələrin Qarabağdan çıxarılmasına tələb edib.
Beləliklə, hazırda Qarabağda sülhməramlıların mövcudluğunun hüquqi əsası yoxdur və şifahi razılaşmalar əsasında həyata keçirilir ki, bu da onların statusunu dayanıqlı etmir.
* 2 min nəfərədək Rusiya sülhməramlısı 10 noyabr 2020-ci il tarixli üçtərəfli bəyanatından sonra Qarabağa gətirilib. Onlar faktiki olaraq erməni əhalini və "müstəqillik uğrunda və Azərbaycanın təcavüzünə qarşı" mübarizəni davam etdirəcəklərini bəyan edən separatçıların rəhbərliyini qorumaqla məşğuldurlar.-02D-
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz