Baş prokurorun növbəti "kəşfi"

Bakı/07.02.19/Turan: Baş Prokurordan daha çox Nostradamus kimi çıxış edən Zakir Qaralov bu gün növbəti "kəşfini" edib.

Belə ki, Baş Prokurorluğun cinayətkarlığa qarşı mübarizəyə həsr olunmuş kollegiyasında çıxış edərkən o bildirib ki, "Xalqın dəstəyindən məhrum olan, nüfuzunu, sosial dayaqlarını tamamilə itirmiş, ölkəmizdə İslam dövləti yaratmaq xəyalında olan radikal-terrorçu qüvvələrlə işbirliyi qurmuş, ermənipərəst xarici dairələr tərəfindən idarə olunmaqla qanunsuz maliyyələşən AXCP və digər radikal müxalifət partiyaların ənənəvi inkarçı və qərəzli mövqedən çıxış edərək varlıqlarını sübut etmək naminə diqqəti özlərinə cəlb etməklə gündəmdə qalmaq üçün müxtəlif üsul və vasitələrdən istifadə etməyə çalışmaları diqqətə çatdırılmışdır".

Qaralovun nə demək istədiyini, yəqin ki, iclas iştirakçıları da başa düşməyib, qaldı ki, ölkə vətəndaşları.

Qaralov özü kollegiyada bu müxalif partiyadan danışmağı lazım bilibsə, niyə onun təsirinin və nüfuzunun olmadığını hesab etdiyini anlamaq çətindir. -05D-