Bayden bu gün BMT-nin qərargah-mənzilində Mərkəzi Asiya ölkələrinin prezidentləri ilə sammit keçirəcək

Vaşinqton/19.09.23/Turan: Çərşənbə axşamı prezident Co Bayden ABŞ və beş Mərkəzi Asiya ölkəsinin prezidentinin tarixdə ilk C5+1 sammitini keçirəcək, bu barədə BMT-nin Nyu-Yorkdakı qərargah mənzilindən Turan-ın müxbiri xəbər verib.

Beş Mərkəzi Asiya ölkəsinin - Türkmənistan, Tacikistan, Qırğızıstan, Qazaxıstan və Özbəkistan liderləri sentyabrın 19-da səhər açılacaq BMT Baş Assambleyasında iştirak edirlər.

"Faktiki olaraq C5+1 formatı hələ 2015-ci ildə formalaşıb. Həmin vaxtdan etibarən bu format möhkəmlənir. Və indi biz ilk dəfə onun liderlər səviyyəsində necə birləşdiyini görəcəyik", deyə Bayden administrasiyasının yüksək vəzifəli nümayəndəsi bugünki görüşdən əvvəl bildirib.

Ağ Evin məlumatına görə, liderlər diqqət bir sıra mövzular - regional təhlükəsizlik, iqlim dəyişikliyi, ticarət və rabitə, habelə idarəçiliyinin yaxşılaşdırılması və qanunun aliliyinin təmin edilməsi üzrə cari islahatlar üzərində cəmləşdirəcəklər. Sammit Bayden administrasiyasının Qərbin Rusiya və Çinlə müqayisədə daha az təsirə malik olduğu regionu əhatə etməyə yönəlmiş strateji addımının bir hissəsidir. Bu il BMT Baş Assambleyasında nə Rusiya prezidenti Putin, nə Çin prezidenti iştirak edir.

Bugünki tarixi sammit Baydenin BMT Baş Assambleyasının iştirakçıları qarşısında çıxışından dərhal sonra keçiriləcək. Eyni zamanda, bu gün Bayden BMT Baş Katibi Antoniu Qutterişlə görüşəcək, axşam isə dünya liderləri ilə ənənəvi qəbul keçirəcək, burada onun bütün dünyada fəaliyyət göstərən onlarla dövlət və hökumət başçısı ilə söhbət etmək imkanı olacaq". 0 

Aleks Raufoğlu