![Photo TURAN.](https://turan.az/resized/media/2023/main/042700061435-750-500-resize.webp)
Photo TURAN.
Bayden: “Rusiyanın beynəlxalq hüququ pozması bütün dünya xalqlarına aid məsələdir”
Vaşinqton/27.04.23/Turan: Çərşənbə günü ABŞ prezidenti Co Bayden bildirib ki, Rusiyanın beynəlxalq hüququ kobud şəkildə pozması "təkcə Avropa üçün yox, bütün dünya xalqları üçün vacibdir".
"Koreya Respublikasının qətiyyətli dəstəyi Ukrayna üçün vacibdir", -Bayden Cənubi Koreya lideri Yun Sok Yöllə birgə mətbuat konfransı zamanı deyib, Turan-ın Vaşinqton müxbiri bildirib.
"Söhbət sizin nəyə inandığınızdan, nəyin arxasında dayandığınızdan, öz övladlarınız və nəvələriniz üçün hansı gələcəyi istədiyinizdən gedir. Hazırda dünya dönüş vəziyyətindədir. İnanıram ki, bu gün etdiyimiz seçim dünyamızın istiqamətini və uşaqlarımızın gələcəyini on illər boyunca müəyyənləşdirəcək", - Bayden deyib.
O, ötən ay keçirilən ikinci demokratiya sammitində həmsədrlik etdiyinə və növbəti, üçüncü demokratiya sammitinin keçirilməsinə görə Koreya Respublikasına təşəkkür edib.
"Hər ikimiz başa düşürük ki, bizim demokratiyalarımız və adamlarımız ən böyük güc mənbəyidir. Onlar birlikdə çalışaraq ölkələrimizi daha güclü və daha effektiv edirlər", - Bayden deyib.
Öz növbəsində prezident Yun bildirib ki, zorakılığa "Rusiyanın Ukraynaya hücumu kimi" bəraət qazandırıla bilməz.
Bayden və Cənubi Koreya lideri Şimali Koreya tərəfdən artan nüvə təhdidləri qarşısında Seula dəstək barədə saziş imzalamaq üçün görüşüblər.
"Vaşinqton bəyannaməsi" adlanan bu sənəd ABŞ-ın Cənubi Koreya limanlarında müvəqqəti olan və ya yerləşən qoşunlarının iştirakını genişləndirməsini nəzərdə tutur. Yeni razılaşmaya görə, ABŞ 1980-ci illərdən bəri ilk dəfə Cənubi Koreyaya nüvə sualtı qayıqları göndərəcək.
Bayden bir daha bildirib ki, Pxenyanın ABŞ-a və ya onun müttəfiqlərinə və tərəfdaşlarına istənilən nüvə hücumu "qəbuledilməzdir və bu cür hərəkətləri tərədən istənilən rejimin çökməsinə səbəb olacaq".0
Siyasət
-
1 sentyabr növbədənkənar parlament seçkiləri ciddi pozuntularla müşahidə edilib ki, bu da seçkilərin demokratik legitimliyinə ciddi zərbə vurub. Bu barədə bir qrup yerli ekspert və qısamüddətli müşahidəçi ilə seçkilərin monitorinqini aparan Seçki Müşahidə Alyansının bəyanatında deyilir.
-
Rusiyanın xarici işlər naziri Sergey Lavrov bildirib ki, əgər Ermənistan hakimiyyəti Dağlıq Qarabağda böhranın həlli ilə bağlı Azərbaycanla birbaşa, Rusiyanın iştirakı olmadan danışıqlar aparmaq istəyirsə, o zaman Allah xatirinə eləsin. Bu barədə o, bazar ertəsi Moskva Beynəlxalq Münasibətlər Universitetinin müəllim və tələbələri qarşısında çıxış edərkən bildirib.
-
Milli Məclisə növbədənkənar seçkilərdə səsvermə zamanı 23 saylı Nəsimi-Səbail seçki dairəsinin 23-cü seçki məntəqəsində - 23 saylı məktəbdə pozuntular baş verib. Bu barədə Turan agentliyinə bitərəf namizəd Eldar İsmayılovun seçki komissiyasının məşvərətçi səs hüquqlu üzvü Rahidə Rəhimova bildirib.
-
Müsavat Partiyası Mərkəzi Seçki Qərargahı növbədənkənar seçkilərin nəticələri barədə ilkin rəyini açıqlayıb.
Rəy yaz