Açiq mənbələrdən foto.
Bayden Zelenski ilə danışıb, ABŞ Ukraynaya yeni HİMARS və artilleriya sistemləri göndərir
Vaşinqton/05.10.22/Turan: Çərşənbə axşamı Bayden administrasiyası Ukraynaya təhlükəsizlik sahəsində 625 milyon dollarlıq yeni yardım paketini elan edərək, ümumi yardımı 16,8 milyard dollara çatdırıb, Turan-ın Vaşinqton müxbiri bildirib.
Prezident Co Bayden və vitse-prezident Kamala Harris Ukrayna prezidenti Vladimir Zelenski ilə Rusiyanın ölkənin şərq və cənub hissəsindəki bölgələri anneksiya etməsi fonunda tədbirlər paketini müzakirə ediblər. Onlar vurğulayıblar ki, ABŞ heç zaman “Rusiyanın Ukrayna ərazisini anneksiya etməsini tanımayacaq”, - Ağ Evin məlumatında deyilir.
Bazar günü İstanbulda ABŞ-ın milli təhlükəsizlik üzrə müşaviri Ceyk Sallivan Ukrayna prezident administrasiyasının rəhbəri Andrey Yermakla görüşüb. Görüş zamanı Sallivan bildirib ki, Rusiyanın anneksiyasını dəstəkləyən hər kəs “ciddi bədəl” ödəməli olacaq.
“Biz tamamilə aydın və yüksək səslə danışdıq”, - Dövlət Departamentinin mətbuat katibinin müavini Vedant Patel Turan-ın Vaşinqton müxbirinə deyib. “Keçən həftədən biz saxta referendumlar keçirilməsi və anneksiya cəhdlərini kəskin pislədiyimizi və buna qarşı çıxdığımızı aydın şəkildə bəyan edirik”, - o əlavə edib.
Yeni silah paketinə dörd HIMARS raket sistemi, 16 ədəd 155 millimetrlik haubitsa, 16 ədəd 105 millimetrlik haubitsa, 75 000 155 millimetrlik artilleriya mərmisi, 500 yüksək dəqiqlikli 155 millimetrlik artilleriya mərmisi və 1000 ədəd Remote Anti zirehdələn mərmi və digər avadanlıqlar daxildir.
Bayden Zelenski ilə telefon danışığında ABŞ-ın Rusiyanın anneksiyasını dəstəkləyən istənilən təşkilata qarşı sanksiyalar tətbiq etməyə “daim hazır olduğunu” bir daha təsdiqləyib və Ukraynadan təhlükəsiz taxıl ixracına imkan verən razılaşmanı alqışlayıb.
Prezident həmçinin “Birləşmiş Millətlər Təşkilatının nizamnaməsində təsbit edildiyi kimi, Ukraynanın öz azadlığını və demokratiyanı müdafiə etmək səyləri ətrafında dünyanı birləşdirməklə bağlı” ABŞ-ın səylərindən danışıb.
Öz növbəsində, dövlət katibi Entoni Blinken mətbuat konfransında deyib: “Biz öz azadlığını və müstəqilliyini qeyri-adi cəsarət və hədsiz qətiyyətlə müdafiə edən Ukrayna xalqını dəstəkləməyə bundan sonra davam edəcəyik. Bizim yardım savaş meydanında vəziyyəti maksimum dəyişməyə və vaxtı gələndə danışıqlar masası arxasında Ukraynanın mövqeyini möhkəmləndirməyə yönəlib”, - o vurğulayıb.25B
-
- Foto sessiyalar
- 5 Oktyabr 2022 11:19
-
- Siyasət
- 5 Oktyabr 2022 11:52
Siyasət
-
Birləşmiş Ştatlar cümə günü bildirib ki, Azərbaycan və Ermənistan Bakıda keçiriləcək BMT-nin iqlim konfransı COP29 ərəfəsində sülh razılaşmasına nail ola biləcəklərinə ümid edir.
-
Cümə günü Bakı Ağır Cinayətlər Məhkəməsində müxalif siyasətçi Tofiq Yaqublunun işi üzrə proses davam edib. Yaqublunun vəkilləri Demokratik Qüvvələrin Milli Şurasının üzvlərindən, müxalif fəallardan əlavə şahidlərin, o cümlədən siyasətçinin həyat yoldaşı Maya Yaqublunun məhkəməyə dəvət olunması haqqında vəsatət qaldırıblar.
-
Ermənistan və Azərbaycan arasında sülh nəinki mümkündür, həm də əlçatandır. Bu barədə dünən BMT Baş Assambleyasında çıxış edən Ermənistan baş naziri Nikol Paşinyan bildirib.
-
1 saylı Bakı İstintaq Təcridxanasında saxlanılan məhbus Bəkirova Məleykə Roman qızının sentyabrın 23-də telefonla danışmaq istəyərkən təcridxananın rejim rəisi Ədalət Qurbanov tərəfindən döyüldüyü bildirilir.
Xaricdən gələn təhlükələrə qarşı necə mübarizə aparmalı?- Əhməd Əlili Çətin sualda
Xəbər lenti
-
- Siyasət,
- 10:29
- 910
Rəy yaz