Bayden:"Biz Putinin qalib gəlməsinə imkan verə bilmərik"

Vaşinqton/07.12.23 /Turan: Çərşənbə günü ABŞ Senatı Ukrayna və İsrailə yardım haqqında qanun layihəsini səsə qoyub.

Senatorlar 49 səs "lehinə",  51 səs "əleyhinə" veriblər, 60 səs həddinə çata bilməyiblər, bu da yardımın ayrılmasını təsdiqləməyə imkan verib.

Səsvermədən bir neçə saat əvvəl Ağ Ev Konqresi prezident Co Baydenin 106 milyard dollarlıq əlavə xərc planını qəbul etməyə çağırıb.

"Biz Putinə qalib gəlməyə imkan verə bilmərik. Bu, bizim milli maraqlarımıza, bütün dostlarımızın maraqlarına cavab verir", -Bayden Ağ evdə çıxış edərkən bildirib.

Çərşənbə günü prezident Baydenin milli təhlükəsizlik üzrə müşaviri Ceyk Sallivan bildirib ki, Konqres bu ilin sonuna qədər Ukraynanın təcili maliyyələşdirilməsi barədə qərar qəbul etməlidir.

“Stavkalar” çox yüksəkdir, nəticələr isə çox ciddidir. Əgər biz getsək və Putin Ukraynanı götürsə, onunla kifayətlənməyəcək. Konqresin bizim ən mühüm milli təhlükəsizlik prioritetlərimizi maliyyələşdirməsinin vaxtı çatıb. Konqresin İsrailin özünü terrorçulardan qorumaq hüququnu maliyyələşdirməsinin vaxtı çatıb", - Sallivan deyib.-0-