![Beynəlxalq Münasibətlərin Təhlili Mərkəzi yaradılıb](https://turan.az/resized/media/2019/main/041900018317-750-500-resize.webp)
Beynəlxalq Münasibətlərin Təhlili Mərkəzi yaradılıb
Bakı/19.04.19/Turan: Dövlət başçısının 19 aprel tarixli fərmanı ilə Beynəlxalq Münasibətlərin Təhlili Mərkəzi yaradılıb və onun Nizamnaməsi təsdiq edilib.
Sənəddə deyilir ki, Mərkəz dünyada və regionda baş verən proseslərin təhlili, Ermənistan-Azərbaycan Dağlıq Qarabağ münaqişəsinin müxtəlif aspektləri, beynəlxalq münasibətlər və təhlükəsizlik məsələləri ilə bağlı fundamental araşdırmalar aparılması ilə məşğul olacaq.
Yeni qurumun təsisçisi dövlət başçısıdır, Mərkəzin Nizamnamə Fondu 100 min manat olaraq müəyyən edilib.
Yeni qurumun məqsədləri arasında ölkənin dövlət orqanlarnın analitik materiallarla təchiz edilməsi, müxtəlif siyasi, iqtisadi və ictimai məsələlər üzrə proqnozlar hazırlanması zərurəti də göstərilib.
Mərkəzə ümumi rəhbərliyi üç nəfərdən ibarət İdarə Heyəti həyata keçirəcək. İdarə Heyətinin sədri və üzvləri ölkə prezidenti tərəfindən təyin edilir və vəzifədən azad edilir. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz