Beynəlxalq QHT-lər Emin Hüseynova dəstəklə bağlı AİHM-ə müraciət ediblər

Bakı/25.09.18/Turan: Jurnalistləri Müdafiə Komitəsi digər beynəlxalq QHT-lərlə birlikdə azərbaycanlı jurnalist və hüquq müdafiəçisi Emin Hüseynovun hüquqi şikayətinin dəstəklənməsilə bağlı Avropa İnsan Hüquqları Məhkəməsinə amicus curiae brief təqdim ediblər.

Amicus curiae brief (kənar müdaxilə)beynəlxalq məhkəmə instansiyalarında yayılmış hüquqi institut, məhkəmənin diqqətini işə aidiyyatı olan rəyə cəlb etməklə ona yardım göstərilməsini nəzərdə tutur.

Əsasən JMK-nın təşəbbüs göstərdiyi sənədi International медиа support (Mediaya beynəlxalq dəstək), IFEX (Söz azadlığının müdafiəsi üzrə beynəlxalq assosiasiya) və International Senior Lawyers Project (Baş hüquqşünasların beynəlxalq layihəsi) dəstəkləyib.

İsveçrədə mühacirətdə olan Reportyorların Azadlıq və Təhlükəsizlik İnstitutunun direktoru Emin Hüseynov 2015-ci ildə Avropa məhkəməsinə şikayət verib. Şikayətdə qeyd olunur ki, hakimiyyətin hərəkətlərini tənqid etməsinə cavab olaraq Azərbaycan hökuməti qanunsuz olaraq onu vətəndaşlıqdan məhrum edib.

Müraciət müəllifləri qeyd edirlər ki, vətəndaşlıqdan məhrumetmə AİHM üzvü ölkələri arasında "jurnalistlər üçün ən pis həbsxanalardan" biri olan Azərbaycanda siyasi təqiblər və narazıların səsini batırmaq üçün alət kimi istifadə olunur.

"Azərbaycan dünyada jurnalistlər üçün ən pis həbsxanalardan biridir. Hakimiyyətin jurnalistlərə və KİV fəallarına, o cümlədən Emin Hüseynov və onun qardaşı, jurnalist fəaliyyətinə görə hazırda həbsdə olan Mehmana qarşı istifadə etdiyi repressiv metodlar beynəlxalq mühakiməyə verilməlidir. Məhkəmə Emin Hüseynovun xeyrinə qərar qəbul etməlidir və azadlıqdan məhrumetmə kimi vasitələrin köməyilə tənqidi səsləri susmağa məcbur etməklə amansız davranışa üzv dövlətlərin dözməyəcəyilə bağlı siqnal göndərməlidir", - CPJ-nin Avropa və Mərkəzi Asiya üzrə əməkdaşı Gülnoza Səid bildirib. -06D--