Azərbaycan Xalq Cəbhəsi Partiyasının bir neçə üzvünün saxlanıldığı bildirilir.
Bu barədə Turana partiyadan məlumat verilib.
Məlumata görə, partiyanın Rəyasət Heyətinin üzvü Asif Yusifli uyulun 16-da yaşadığı binanın qarşısında saxlanılıb. "Asif bəyi bu gün zəng vuraraq Nərimanov Rayon Polis İdarəsinə çağırıblar. O, evdən çıxarkən saxlanılıb və naməlum istiqamətə aparılıb".
Partiyanın daha bir üzvü Mətanət Mahmarzayeva (Turan) günorta saatlarında polisə aparıldığı bildirilir.
Verilən məlumata görə, hər iki AXCP üzvü iyulun 14-dən 15-ə keçən gecə Qarabağa dəstək yürüşündə iştirak etmişdi. "Lakin onların heç bir qanunsuz əməlində iştirakı olmayıb".
Digər AXCP üzvü Seymur Əhmədzadə də 3 saat əvvəl saxlanılıb.
Partiyanın daha bir üzvü Məhəmməd İmanlı Sabunçu Rayon Polis İdarəsinə çağırılıb.
Məsələ ilə bağlı Daxili İşlər Nazirliyindən münasibət öyrənmək mümkün olmayıb.-0-
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz