Birləşmiş Millətlər Təşkilatı Rusiyanı Ukraynanı tərk etməyə çağırıb

Vaşinqton /24.02.23/Turan: Cümə axşamı Bayden administrasiyası Birləşmiş Millətlər Təşkilatının Rusiyanı Ukraynada hərbi hərəkətləri dayandırmağa və öz qüvvələrini çıxarmağa çağıran qətnaməsini alqışlayıb, işğalın birinci ildönümü ərəfəsində Moskvanın təcavüzünə son qoyulmasına  dair siqnal göndərib.

Qətnamə Baş Assambleyada 141 ölkə tərəfindən təqdir edilib, 7-i əleyhinə olub. Bunlar Belarus, Mali, Nikaraqua, Rusiya, Suriya, Şimali Koreya və Eritreyadır. Çin, Cənubi Afrika Respublikası və Hindistan da daxil olmaqla, 32 ölkə səsvermədə bitərəf qalıb. Azərbaycan nümayəndəsi  səsvermədə iştirak etməyib.

"Birləşmiş Millətlər Təşkilatı üzvlərinin böyük əksəriyyəti qətnaməyə səs verib, bu ölkələr beynəlxalq düzənini qətiyyətlə dəstəkləyiblər və Rusiyanın Ukraynanın bütün ərazilərindən tam, dərhal və qeyd-şərtsiz çıxmasını tələb ediblər", - ABŞ prezidentinin milli təhlükəsizlik üzrə müşaviri Jeyk Sallivan bildirib.

"Bu münaqişənin başlanmasından bir il sonra beynəlxalq birlik bizim ümumi dəyərlərimizi, o cümlədən  Birləşmiş Millətlər Təşkilatı  Nizamnaməsinin əsasını təşkil edən suverenlik, müstəqillik və ərazi bütövlüyü prinsiplərini müdafiə etməkdə sarsılmaz olaraq qalır", - o  deyib. 0